Jean 21:3 - Mbeti ti Nzapa - Tënë so amu fini

³ Simon Pierre atene na amba ti lo: “Mbi yeke gue ti gi susu.” Ala tene na lo: “E na mo, e gue.” Tongaso ala gue, ako na ya ti ngo si ala hon. Me na bi ni kue, ala wara susu oko pepe.

Jean 21:3 Referans Kwoze

Nzoni Tënë so Luc asu na mbeti 5:5

Simon akiri tënë na lo: “Kota zo, na bi so kue, e pika li ti e gbaa, e wara susu oko pepe. Me ndali ti tënë ti yanga ti mo, fade mbi yeke bi gbanda ni.”

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

1 Korente 3:7

Tongaso, zo so alu ye ayeke ye pepe, zo so atuku ngu na ndö ni ayeke nga ye pepe; me kota ye ni ayeke Nzapa so asara titene ye ni amai.

1 Korente 9:6

Gi mbi na Barnabas laa e lingbi ti ngba ti sara kua ti wara na kobe ti yanga ti e?

Awatokua 20:34

Ala wani ahinga atene, mbi sara kua na maboko ti mbi wani si mbi na amba ti mbi, e wara aye so atia e.

Awatokua 18:3

si lo ngba na ndo ti ala, ngbanga ti so kua ti lo na kua ti ala ayeke legeoko: ala yeke azo ti sarango ada ti bongo.

Jean 21:4

So ndo ahan awe, Jésus aluti na yanga ti ngu ni, me adisiple ti lo ahinga pepe, atene lo laa.