Jean 21:2 - Mbeti ti Nzapa - Tënë so amu fini

² Simon Pierre, Thomas – so a iri lo Ngbo –, Natanael, zo ti kodro ti Kana na Galile, amolenge ti Zebede na ambeni disiple use kue abongbi na ndo oko.

Jean 21:2 Referans Kwoze

Jean 4:46

Jésus akiri na Kana, mbeni kete kodro ti Galile. Kâ laa lo mu lani ngu, lo sara si aga vin. Mbeni kota zo so ayeke sara kua na gbia kâ, molenge ti lo ayeke na kobela na Kapernaum.

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 11:16

Thomas, so mbeni iri ti lo ayeke Ngbo, atene na amba ti lo adisiple: “E nga, e na Jésus e gue si e na lo kue, e kui!”

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.

Nzoni Tënë so Luc asu na mbeti 5:10

Mbeto agbu nga Jacques na Jean, amolenge ti Zebede so ala yeke amba ti Simon. Jésus atene na Simon: “Sara mbeto pepe! Ti londo fadeso, mo yeke ga zo ti gingo azo.”

Josué 19:28

Abdon, Rehob, Hamon na Kana ngbii ti si na Sidon, kota gbata.

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Marc 1:19

Lo hon gi kete, lo baa Jacques na Jean, amolenge ti Zebede. Ala yeke na ya ti ngo si ala yeke leke gbanda ti ala.

Jean 2:1

Lango use na pekoni, mbeni matanga ti mungo tere ti koli na wali aduti na kete kodro ti Kana, na sese ti Galile. Mama ti Jésus ayeke kâ.