Jean 21:16 - Mbeti ti Nzapa - Tënë so amu fini

¹⁶ Jésus akiri ahunda lo ti fani use ni, atene: “Simon, molenge ti Jean, mo ye mbi?” Pierre akiri tënë na lo: “Biani, Kota Gbia, mo hinga so mbi ye mo.” Jésus atene na lo: “Bata ataba ti mbi!”

Jean 21:16 Referans Kwoze

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 95:7

Biani, lo yeke Nzapa ti e; e yeke azo ti lo so lo yeke bata e, ataba so lo yeke fa lege na ala. Laso, ala ma tënë so lo tene:

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Jean 18:25

Na ndembe so Simon Pierre angba ti luti kâ titene tere ti lo amu wâ, mbeni zo ahunda lo, atene: “Mo nga, mo yeke mbeni disiple ti koli so pepe?” Pierre abere, atene: “Ên-en, mbi yeke disiple ti lo pepe.”

Jean 18:17

Wali so ayeke bata yanga ti gbagba ni atene na Pierre: “Mo nga, mo yeke mbeni disiple ti koli so-aa!” Pierre abere, atene: “Ên-en! Mbi yeke disiple ti lo pepe.”

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Matthieu 26:72

Pierre akiri abere; lo deba yanga ti lo, lo tene: “Mbi hinga koli so oko pepe!”

Matthieu 25:32

Fade a yeke bongbi amara kue na dawa ti lo; lo yeke kangbi popo ti ala tongana ti so wabatango-taba ayeke kangbi popo ti ataba ti lo na angasa ti lo:

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.