Jean 20:9 - Mbeti ti Nzapa - Tënë so amu fini

⁹ Andaa tënë ti Mbeti ti Nzapa so atene, alingbi Jésus azingo na kuâ so, ala de ti ma ya ni pepe.

Jean 20:9 Referans Kwoze

Abia (Psaumes) 16:10

Biani, mo yeke zia mbi na ndo ti akuâ pepe, mo yeke zia mbi, zo ti mo titene mbi fun na ya ti du ti kuâ pepe.

Ésaïe 25:8

Lo yeke mingo kuâ biani biani. Kota Gbia NZAPA ayeke mbo ngu ti le ti azo kue; lo yeke zi kamene na le ti azo ti lo na ndö ti sese so kue. KOTA GBIA laa atene tënë so.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

1 Korente 15:4

A lu lo, na lango ota ni, lo zingo na kuâ tongana ti so Mbeti ti Nzapa atene.

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Jean 2:22

Na ndembe so Jésus azingo na kuâ awe, adisiple ti lo adabe ti ala na atënë so lo tene na ala si ala ma na be na Mbeti ti Nzapa nga na atënë so Jésus atene.

Nzoni Tënë so Luc asu na mbeti 9:45

Me adisiple ama ya ti tënë ni so pepe; nda ni ahonde na ala si ala ma ya ni pepe, me ala sara mbeto ti hunda nda ni na lo.

Abia (Psaumes) 22:15

Ngangu ti mbi ahon tongana ngu so ayeke sua; abio ti mbi kue awoko wokongo. Be ti mbi ayeke tongana puru ti wotoro, aga tongana ngu na ya ti mbi.

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”