Jean 20:25 - Mbeti ti Nzapa - Tënë so amu fini

²⁵ Ambeni disiple ni atene na Thomas: “E baa *Kota Gbia!” Thomas akiri tënë na ala, atene: “Tongana mbi baa ka ti pondi na ya ti amaboko ti lo pepe, mbi yoro li ti maboko ti mbi daa pepe si mbi yoro maboko ti mbi na ya ti ka ti kate ti lo pepe, mbi yeke ma na be oko pepe.”

Jean 20:25 Referans Kwoze

Jean 6:30

Ala kiri tënë na lo, atene: “Nyen laa mo yeke sara titene e baa si e ma na be na mo? Ye so mo yeke sara ande ayeke nyen?

Marc 16:11

So ala ma a tene, Jésus ayeke na fini si Marie abaa lo, ala yeda na tënë ti lo pepe.

Ahebro 3:18

Nzapa adeba yanga ti lo, atene: “Fade ala yeke li na kodro so pepe, kodro so mbi leke titene ala wu tere ti ala daa so”. Lo deba yanga ni na azo wa? Na azo so asara ngangu li so.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Jean 21:7

Disiple so Jésus aye lo mingi so atene na Pierre: “*Kota Gbia laa!” So Pierre ama a tene, so Kota Gbia laa, lo yu bongo ti lo, ngbanga ti so lo zi ni. Na pekoni, lo huru lo ti na ya ti ngu.

Jean 1:41

Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Nzoni Tënë so Luc asu na mbeti 24:25

Tongaso Jésus atene na ala: “Ala azo so li ti ala ayeke daa pepe so, tënë so kue awayanga-Nzapa atene ando so, ala ma na be na ni hio pepe!

Matthieu 27:42

“Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Abia (Psaumes) 78:32

Ataa so kue, azo ti Israel angba lakue ti sara siokpari, akota ye so Nzapa asara, ala ma na be na ni pepe.

Mbeti ti Job 9:16

Ataa mbi iri ndo si lo kiri tënë na mbi, mbi hinga pepe, lo yeda ti ma mbi laa?

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Marc 16:13

Ala kiri si ala tene tënë ni na tanga ti adisiple ni, me ala yeda na tënë ti adisiple use so pepe.

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Jean 20:27

Na pekoni, lo tene na Thomas: “Yoro li ti maboko ti mo na ndo so, mo baa maboko ti mbi. Yoro nga maboko ti mo na ndo so na ya ti kate ti mbi. Zia ti dekite, ma na be!”