Jean 20:21 - Mbeti ti Nzapa - Tënë so amu fini

²¹ Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Jean 20:21 Referans Kwoze

Jean 13:20

Biani, mbi tene na ala taa-tënë: zo so ayamba mbeni zo so mbi tokua lo, andaa mbi wani laa lo yamba mbi; zo so ayamba mbi, andaa lo yamba lo so atokua mbi.”

Jean 3:17

Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Matthieu 10:40

“Zo so ayamba ala, andaa lo yamba mbi; zo so ayamba mbi, andaa lo yamba lo so atokua mbi

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Jean 20:19

Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Nzoni Tënë so Luc asu na mbeti 24:36

So ala ngba ti tene tënë so, Jésus wani asi, lo luti na popo ti ala si lo tene na ala: “Siriri aduti na ala!”

Jean 20:22

Na pekoni, lo huru pupu na ndö ti ala si lo tene: “Ala wara Yingo-Vuru!

Jean 20:26

Yenga oko na pekoni, adisiple akiri abongbi tere ti ala na ya ti da, Thomas ayeke na popo ti ala. Ala kanga yanga ti da ni na kerere, me Jésus aga si lo luti na popo ti ala, lo tene: “Siriri aduti na ala!”

Awatokua 1:2

ngbii asi na lango so a mu lo na yayu. Kozo titene a mu Jésus na yayu, lo mu yanga na lege ti ngangu ti Yingo-Vuru na azo so lo soro ala ti ga *awatokua.

3 Jean 1:14

Mbi ye ti baa mo na ya ti alango so ayeke ga si mbi na mo, e tene tënë na yanga.