Jean 20:19 - Mbeti ti Nzapa - Tënë so amu fini

¹⁹ Na lakui ti layenga ni, adisiple abongbi tere ti ala na ya ti mbeni da. Ala kanga yanga ti da ni na ndö ti ala, ngbanga ti so mbeto ti amakonzi ti azuife asara ala. Jésus aga si lo luti na popo ti ala, lo tene na ala: “Siriri aduti na ala!”

Jean 20:19 Referans Kwoze

Jean 20:26

Yenga oko na pekoni, adisiple akiri abongbi tere ti ala na ya ti da, Thomas ayeke na popo ti ala. Ala kanga yanga ti da ni na kerere, me Jésus aga si lo luti na popo ti ala, lo tene: “Siriri aduti na ala!”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 20:21

Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Efeze 2:14

Biani, Christ wani laa ayeke mu na e siriri, lo laa lo sara titene azuife na azo ti amara nde aga oko. Ando, kengo tere na popo ti e aga tongana mbeni gbagba so akangbi e, me na lege so lo ka tere ti lo na kuâ, gbagba ni akungbi awe.

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

Jean 7:13

Me zo ti tenengo tënë ti lo polele ayeke daa pepe, ngbanga ti so mbeto ti amakonzi ti azuife ayeke sara ala.

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!

1 Korente 15:5

Lo si na Pierre, na pekoni, lo si na adisiple baleoko na use.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Ahebro 7:2

Na pekoni, Abraham amu na lo *dime ti aye so kue lo wara. Kozo ye so e yeke baa na ndö ti Melkisedeke ayeke so: nda ti iri ti lo atene “gbia ti ye ti mbirimbiri”. Use ye ni, lo yeke nga gbia ti gbata ti Salem; nda ti iri ni ayeke “gbia ti siriri”.

Filipe 1:2

Ayeke nzoni Nzapa Babâ ti e, lo na *Kota Gbia Jésus Christ asara nzoni be na ala si amu na ala siriri!

Efeze 6:23

Ayeke nzoni Nzapa Babâ, na *Kota Gbia Jésus Christ amu na a-ita siriri, ndoye na mabe!

Rome 15:33

Ayeke nzoni Nzapa so ayeke mu siriri na zo aduti na ala kue! Amen.

Jean 16:22

Ye so ayeke si na ala fadeso ayeke tongaso: fade ala yeke na vundu, me na pekoni, mbi yeke kiri ti ga ti baa ala si be ti ala akiri asi na ngia. Mara ti ngia so, zo oko alingbi ti zi ni na be ti ala pepe.

Matthieu 18:20

Biani, na ndo so azo use wala ota abongbi daa na iri ti mbi, mbi yeke na popo ti ala.”

Matthieu 10:13

Tongana azo ti da ni ayamba ala, ayeke nzoni siriri so ala ga na ni aduti na azo ni; me tongana azo ni ayamba ala pepe, siriri so ala ga na ni, akiri na ala wani.

Abia (Psaumes) 122:8

Ndali ti a-ita ti mbi na amba ti mbi, mbi yeke hunda fadeso titene siriri aduti na ya ti mo!

Jean 21:1

Na pekoni, Jésus akiri asi na adisiple ti lo na yanga ti kota ngu ti Tiberiade. Lege so Jésus asi na ni ayeke so:

Jean 21:14

Lege ota titene Jésus asi na adisiple ti lo na peko ti zingongo ti lo na kuâ laa.

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

3 Jean 1:14

Mbi ye ti baa mo na ya ti alango so ayeke ga si mbi na mo, e tene tënë na yanga.