Jean 20:15 - Mbeti ti Nzapa - Tënë so amu fini

¹⁵ Jésus ahunda lo: “Wali, mo yeke toto ngbanga ti nyen? Zo wa laa mo yeke gi lo?” Marie abaa ti lo atene so walekengo-ndo ni so laa si lo tene: “Pakara, tongana mo laa mo mu lo, mo hon na lo, fa na mbi ndo so mo zia lo daa si mbi gue, mbi mu lo.”

Jean 20:15 Referans Kwoze

Jean 20:13

Ala hunda lo: “Wali, mo yeke toto ngbanga ti nyen?” Lo kiri tënë, lo tene: “Azo amu *Kota Gbia ti mbi ahon na lo awe; mbi hinga ndo so ala zia lo daa pepe.”

Jean 18:7

Jésus akiri ahunda ala, atene: “Ala yeke gi zo wa?” Ala tene na lo: “E yeke gi Jésus, zo ti Nazaret.”

Jean 1:38

Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Matthieu 28:5

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

B. ti abia 3:2

Fade mbi yeke londo, mbi yeke hon na ya ti gbata, na ndö ti alege nga na le ti akodro. Fade mbi yeke gi lo so be ti mbi aye lo; mbi gi lo, me mbi wara lo pepe.

1 Samuel 1:16

Mo baa mbi, zo ti gbe ti mo tongana mbeni buba zo pepe. Mbeni tënë laa aso be ti mbi ahon ndoni si ayeke mu na mbi vundu. Nilaa mbi sambela ngbii aninga so.”

Jean 18:4

Jésus ahinga fade ye so kue ayeke si ande na lo. Nilaa lo gue nduru na ala si lo hunda ala, lo tene: “Ala yeke gi zo wa?”

Nzoni Tënë so Luc asu na mbeti 24:5

Mbeto agbu awali ni, ala bi le ti ala na sese si akoli use so atene na ala: “Ngbanga ti nyen si ala yeke gi zo so ayeke na fini na popo ti akuâ?

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

B. ti abia 6:1

Mo wali so mo pendere mo hon awali kue so, kamba ti be ti mo ague na ndo wa? Lege wa laa kamba ti be ti mo amu? Tongaso, fade e na mo, e gue ti gi lo.

Nzoni Tënë so Luc asu na mbeti 2:44

Ala baa ti ala atene, Jésus ayeke na popo ti amba ti ala, azo ti lege. Ala tambula ngbii asi na lakui, ala to nda ti gi lo na popo ti asongo ti ala nga na azo so ala hinga ala.