Jean 2:21 - Mbeti ti Nzapa - Tënë so amu fini

²¹ Andaa kota da ti Nzapa so lo yeke tene tënë ni so, ayeke tere ti lo wani.

Jean 2:21 Referans Kwoze

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

1 Korente 3:16

Ala hinga pepe atene, ala yeke da ti Nzapa si Yingo ti Nzapa aduti na be ti ala?

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Kolose 2:9

Biani, Nzapa aduti kue kue kue na ya ti tere ti Christ so aga zo.

Kolose 1:19

Biani, Nzapa ayeda ti duti kue kue kue na ya ti Molenge ti lo.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 2:22

Na ndembe so Jésus azingo na kuâ awe, adisiple ti lo adabe ti ala na atënë so lo tene na ala si ala ma na be na Mbeti ti Nzapa nga na atënë so Jésus atene.