Jean 2:1 - Mbeti ti Nzapa - Tënë so amu fini

¹ Lango use na pekoni, mbeni matanga ti mungo tere ti koli na wali aduti na kete kodro ti Kana, na sese ti Galile. Mama ti Jésus ayeke kâ.

Jean 2:1 Referans Kwoze

Jean 4:46

Jésus akiri na Kana, mbeni kete kodro ti Galile. Kâ laa lo mu lani ngu, lo sara si aga vin. Mbeni kota zo so ayeke sara kua na gbia kâ, molenge ti lo ayeke na kobela na Kapernaum.

Jean 21:2

Simon Pierre, Thomas – so a iri lo Ngbo –, Natanael, zo ti kodro ti Kana na Galile, amolenge ti Zebede na ambeni disiple use kue abongbi na ndo oko.

Jean 1:43

Lango oko na pekoni, Jésus aleke na be ti lo ti gue na sese ti Galile. Lo tengbi na Philippe si lo tene na lo: “Mu peko ti mbi!”

Matthieu 12:46

So Jésus angba ti tene tënë na gba ti azo so, mama ti lo na a-ita ti lo asi. Ala yeke luti na gigi, ala yeke gi lege ti tene tënë na lo.

Amato 18:22

Zo so awara wali, andaa lo wara nzoni ye; so nzoni be laa KOTA GBIA asara na lo.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Jean 1:35

Lango oko na pekoni, Jean angba gi na oko ndo ni so, lo na adisiple ti lo use.

Amato 19:14

Na peko ti kuâ ti ala, ababâ ayeke zia da na nginza na amolenge ti ala, me KOTA GBIA laa ayeke mu wali ti ndara na zo.

Josué 19:28

Abdon, Rehob, Hamon na Kana ngbii ti si na Sidon, kota gbata.

Jean 2:11

Lege so Jésus asara kozo ye ti kpene na Kana, mbeni kodro ti Galile laa. Lo fa gonda ti lo si adisiple ti lo ama na be na lo.