Jean 19:7 - Mbeti ti Nzapa - Tënë so amu fini

⁷ Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Jean 19:7 Referans Kwoze

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Jean 5:18

Na ndö ti tënë so, amakonzi ti azuife ayeke gi lege ngangu ti fâ Jésus, ngbanga ti so lo ke ti kpe ndia ti lango ti wungo tere si na ndö ni, lo kiri lo tene, Nzapa ayeke taa Babâ ti ni; so aye ti fa atene, lo yeke legeoko na Nzapa.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Marc 15:39

Kapita ti aturugu ti Rome so aluti na dawa ti Jésus abaa lege so Jésus akui na ni si lo tene: “Taa-tënë, koli so ayeke Molenge ti Nzapa!”

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Ésaïe 53:4

Andaa pasi ti e laa lo yo ni, kobela ti e laa lo yo na ndö ti lo. Ti e, e baa e tene, Nzapa laa abi kpale na tere ti lo, Nzapa laa apika lo si abi buba na tere ti lo.

Jean 19:8

So Pilate ama tënë so, mbeto agbu lo ahon ndoni.

Awatokua 18:13

ala tene: “Koli so ayeke gi lege ti handa azo titene ala voro Nzapa na mbeni lege so *Ndia ti e ake ni!”