Jean 19:42 - Mbeti ti Nzapa - Tënë so amu fini

⁴² Ala lu Jésus na ya ti du ti kuâ ni, ngbanga ti so ndo ni ayo pepe si lango ni ayeke lango ti lekengo tere ndali ti *lango ti wungo tere.

Jean 19:42 Referans Kwoze

Jean 19:31

Lango ni ayeke lango ti lekengo tere ndali ti *lango ti wungo tere. Azuife aye ka titene akuâ angba na ndö ti akeke ti kroa na lango ti wungo tere pepe. Andaa lango ti wungo tere ni ayeke mbeni kota lango mingi. Tongaso ala gue, ahunda Pilate ti mu yanga titene a kungbi agere ti akoli so a kanga ala na ndö ti akeke ti kroa so si ala zi akuâ ni na ndö ti akeke ti kroa ni.

Jean 19:14

Andaa lango ni so ayeke lango ti lekengo tere ndali ti *matanga ti Pake. Nduru na bekombite, Pilate atene na azuife: “Baa, gbia ti ala laa!”

Jean 19:41

Mbeni ndo so a lu akeke daa ayeke nduru na ndo so a fâ Jésus daa na ndö ti keke ti kroa so; mbeni fini du ti kuâ ayeke kâ so ade ti lu zo daa pepe.

Ésaïe 53:9

A zia lo na du ti kuâ legeoko na azo ti sioni; a lu lo na ndo ti azo ti mosoro, ataa so lo sara sioni oko pepe, ataa so tënë ti mvene asigigi na yanga ti lo oko pepe.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

1 Korente 15:4

A lu lo, na lango ota ni, lo zingo na kuâ tongana ti so Mbeti ti Nzapa atene.

Awatokua 13:29

Na peko ti so ala sara ye so kue Mbeti ti Nzapa atene tënë ni na ndö ti lo awe, ala zi lo na ndö ti keke ti kroa si ala zia lo na ya ti du ti kuâ.

Jean 19:20

Ndo so a kanga Jésus na ndö ti keke ti kroa daa so ayo na gbata ni pepe, nilaa azuife mingi adiko mbeti ni. A su mbeti ni na yanga ti hebro, na greke nga na laten.

Matthieu 12:40

Biani, tongana ti so Jonas asara lango ota na bi ota na ya ti kota susu, fade *Molenge ti Zo ayeke sara nga lango ota na bi ota na gbe ti sese.

Abia (Psaumes) 22:15

Ngangu ti mbi ahon tongana ngu so ayeke sua; abio ti mbi kue awoko wokongo. Be ti mbi ayeke tongana puru ti wotoro, aga tongana ngu na ya ti mbi.