Jean 19:40 - Mbeti ti Nzapa - Tënë so amu fini

⁴⁰ Akoli use so amu kuâ ti Jésus, ala kanga na bongo, ala zia yombo daa tongana ti so azuife ayeke sara lakue ti lu na akuâ ti ala.

Jean 19:40 Referans Kwoze

Jean 11:44

Tongaso Lazare asigigi, maboko ti lo na gere ti lo angba na kangango ni na ya ti abongo so a lu lo na ni; bongo so a kanga na le ti lo angba na le ti lo. Jésus atene na azo ni: “Ala zi abongo ni na tere ti lo, ala zia lo, lo gue.”

Awatokua 5:6

Amaseka-koli aga, ala kanga kuâ ti lo na bongo si ala gue na ni ti lu ni.

Nzoni Tënë so Luc asu na mbeti 24:12

Me Pierre akpe ague na yanga ti du ti kuâ ni; lo kuku, lo baa ya ni si lo baa gi akamba ti bongo ni. Na pekoni, lo kiri na ndo ti lo, li ti lo kue akpe ndali ti ye so asi so.

Matthieu 26:12

Lo tuku yombo so na tere ti mbi ti leke mbi ti ku na ndembe so a yeke lu ande kuâ ti mbi.

Tongo nda ti aye 50:2

Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni.

2 Mbai 16:14

A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

Jean 12:7

Me Jésus atene: “Zia wali so kpoo! Lo sara ye so ti ku na lango so a yeke lu ande kuâ ti mbi.