Jean 19:39 - Mbeti ti Nzapa - Tënë so amu fini

³⁹ Nikodeme so ague lani na bi ti baa Jésus, lo na Joseph laa aga. Lo mu mbeni yombo so a bongbi *mire na aloes si asara na ni; lo ga na ni kilo baleota.

Jean 19:39 Referans Kwoze

B. ti abia 4:14

yombo ti nare, safran na kanele, akeke nde nde so a sara ka na dukani; mire na aloes, nga na ayombo kue ti nzoni ni.

Jean 12:7

Me Jésus atene: “Zia wali so kpoo! Lo sara ye so ti ku na lango so a yeke lu ande kuâ ti mbi.

Marc 16:1

So *lango ti wungo tere ahon awe, Marie ti kodro ti Magdala na Marie, mama ti Jacques na ti Salome avo ayombo titene ala gue, azia na tere ti kuâ ti Jésus.

Matthieu 19:30

Mingi ti azo ti li ni ayeke ga ande azo ti ndani; mingi ti azo ti ndani ayeke ga azo ti li ni.”

Matthieu 12:20

Sosongo so a do ni na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe, ngbii lo sara si ye ti mbirimbiri aso benda.

B. ti abia 4:6

Kozo titene pupu ti lakui alondo, tongana gbe ti de ahon, fade mbi yeke gue na ndö ti hoto ti *mire, mbi yeke gue na ndö ti kete hoto ti dukani.

Amato 7:17

Mbi tuku na ndö ti gbogbo ni yombo so a sara na mire, na aloes nga na kanele.

Abia (Psaumes) 45:8

Mo ye sarango ye ti mbirimbiri, mo ke sarango ye ti sioni. Ndani laa, Nzapa, Nzapa ti mo asoro mo na popo ti amba ti mo kue ti ga gbia si lo tuku mafuta ti matanga na li ti mo.

2 Mbai 16:14

A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

Tongo nda ti aye 50:2

Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni.

B. ti abia 1:13

Kamba ti be ti mbi ayeke tongana kete kete bozo ti yombo ti *mire so ayeke lango na kate ti mbi.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Jean 12:3

Na pekoni, Marie amu ngbenda ti yombo so a sara ni na ngu ti mbeni kete keke so iri ni nare ti nzoni ni, so ngere ni ayeke ngangu mingi. Lo tuku yombo ni na ndö ti gere ti Jésus si lo mbo ni na kua ti li ti lo. Fion ti yombo ni amu ya ti da ni kue.