Jean 19:23 - Mbeti ti Nzapa - Tënë so amu fini

²³ So aturugu akanga Jésus na ndö ti keke ti kroa awe, ala mu abongo ti lo si ala kangbi ya ni osio, zo oko oko na ti lo. Ala mu nga yongoro bongo ti lo so a fu ni fungo pepe, me ti londo na nduzu asi na gbeni, a leke ni gi le ni oko tongana mapia-bongo.

Jean 19:23 Referans Kwoze

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Marc 15:24

Na pekoni, ala kanga lo na ndö ti keke ti kroa, ala kangbi bongo ti lo na popo ti ala si ala bi *dee ti hinga zo so alingbi ti wara bongo ni.

Matthieu 27:35

So ala kanga lo na ndö ti keke ti kroa awe, ala bi *dee si ala kangbi ya ti bongo ti lo na popo ti ala.

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Sigingo 28:32

Titene a yu kaba ni, ala yeke koro go ni taa gi na be ti mapia-bongo ni. Ala yeke pika yanga ni kue na kpengbango kamba titene asuru pepe.