Jean 19:19 - Mbeti ti Nzapa - Tënë so amu fini

¹⁹ Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

Jean 19:19 Referans Kwoze

Matthieu 27:37

Na li ti keke ti kroa ti lo, ala zia mbeni mbeti so afa nda ti ngbanga so a fâ na li ti lo, atene: “So Jésus, gbia ti azuife.”

Nzoni Tënë so Luc asu na mbeti 23:38

Na li ti keke ti kroa ni ala su mbeni mbeti atene: “So gbia ti azuife laa!”

Marc 15:26

Na li ti keke ti kroa ni, ala su mbeni mbeti ti fa nda ti ngbanga so a fâ na li ti lo; mbeti ni atene: “Gbia ti azuife.”

Jean 19:14

Andaa lango ni so ayeke lango ti lekengo tere ndali ti *matanga ti Pake. Nduru na bekombite, Pilate atene na azuife: “Baa, gbia ti ala laa!”

Awatokua 3:6

Me Pierre atene na lo: “Mbi yeke na nginza wala lôro pepe, me ye so mbi yeke na ni, mbi yeke mu na mo: na iri ti Jésus Christ, zo ti Nazaret, londo, mo tambula!”

Jean 19:21

Akota wayango-sandaga ti azuife atene na Pilate: “Mo su mbeti ni pepe, mo tene: ‘Gbia ti azuife’, me mo su ni, mo tene: ‘Koli so atene, ni yeke gbia ti azuife.’ ”

Jean 19:12

Ti londo na ndembe ni so, Pilate ayeke gi lege ti zi Jésus, me azuife akiri adekongo, atene: “Tongana mo zi lo, andaa mo yeke zo ti kota gbia ti Rome pepe! Zo so kue atene, ni yeke gbia, andaa lo ke kota gbia ti Rome awe!”

Jean 19:3

Ala ga nduru na tere ti lo si ala tene: “E bara mo, gbia ti azuife!” Ala yeke pika ngbangba ti lo.

Jean 18:33

Pilate ali na da si lo iri Jésus, lo hunda lo: “Mo yeke gbia ti azuife?”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Nzoni Tënë so Luc asu na mbeti 18:37

Azo atene na lo: “Jésus, zo ti Nazaret laa ayeke hon so.”