Jean 18:4 - Mbeti ti Nzapa - Tënë so amu fini

⁴ Jésus ahinga fade ye so kue ayeke si ande na lo. Nilaa lo gue nduru na ala si lo hunda ala, lo tene: “Ala yeke gi zo wa?”

Jean 18:4 Referans Kwoze

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 18:7

Jésus akiri ahunda ala, atene: “Ala yeke gi zo wa?” Ala tene na lo: “E yeke gi Jésus, zo ti Nazaret.”

Awatokua 2:28

Mo fa na mbi lege so ayeke gue na zo na fini, fade mbi yeke duti na ngia na le ti mo.’

Abia (Psaumes) 27:3

Ataa aturugu aga ti tiri bira na mbi, mbeto ayeke sara mbi oko pepe. Ataa bira ni alondo ngangu na tere ti mbi, be ti mbi angba gi na ndö ti mo.

Jean 19:28

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Jean 13:11

Jésus ahinga zo so ayeke ka ande lo, ndani laa lo tene: “Ala kue laa tere ti ala avuru pepe.”

Jean 6:64

Me ambeni zo na popo ti ala ama na be pepe.” Biani, Jésus ahinga ngbene ye na tongo nda ni azo so ama na be pepe nga na zo so ayeke ka ande lo.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Matthieu 26:31

Tongaso, Jésus atene na adisiple ti lo: “Gi na bi so, fade ala kue ayeke zia mbi ti hon, ngbanga ti so Mbeti ti Nzapa atene: ‘Fade mbi yeke fâ wabatango-taba si ataba ni ayeke kangbi kirikiri.’

Matthieu 26:21

So ala yeke te kobe ni, Jésus atene na ala: “Mbi tene na ala taa-tënë: mbeni oko na popo ti ala ayeke ka mbi.”

Matthieu 26:2

“Ala hinga kue, na ya ti lango use, fade *matanga ti Pake ayeke duti daa. Fade a yeke mu *Molenge ti Zo titene a fâ lo na ndö ti keke ti kroa.”

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Abia (Psaumes) 3:6

Mbi lango na ndö ti gbogbo, lango ahon na mbi; ndade mbi zingo, ngbanga ti so KOTA GBIA laa abata mbi.

Néhémie 6:11

Mbi kiri tënë na lo, mbi tene: “Zo tongana mbi so laa alingbi ti kpe? Zo tongana mbi so alingbi ti li na ndo so ayeke nde si ayeke nzoni kue si lo ngba na fini? Mbi yeke li kâ oko pepe!”

1 Agbia 18:10

KOTA GBIA, Nzapa ti mo ayeke na fini! Akab atokua azo na ya ti akodro ti amara kue nga na ya ti akodro-gbia kue titene azo agi mo aga na mo. Tongana mbeni zo atene: ‘Lo yeke na ya ti kodro ti e ge pepe’, lo yeke hunda na azo ti kodro ni ti deba yanga ti ala atene: ‘E wara mo pepe’.

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

Jean 18:5

Ala kiri tënë na lo, atene: “E yeke gi Jésus, zo ti Nazaret.” Lo kiri tënë, lo tene: “Mbi laa.” Andaa Judas, zo ti kango Jésus ayeke na popo ti azo ni.