Jean 18:25 - Mbeti ti Nzapa - Tënë so amu fini

²⁵ Na ndembe so Simon Pierre angba ti luti kâ titene tere ti lo amu wâ, mbeni zo ahunda lo, atene: “Mo nga, mo yeke mbeni disiple ti koli so pepe?” Pierre abere, atene: “Ên-en, mbi yeke disiple ti lo pepe.”

Jean 18:25 Referans Kwoze

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Tongo nda ti aye 18:15

Mbeto asara Sara si lo bere, lo tene: “Mbi he ngia pepe.” KOTA GBIA akiri tënë: “Taa-tënë, mo he ngia fade.”

Nzoni Tënë so Luc asu na mbeti 22:56

Mbeni wali so ayeke sara kua kâ abaa lo so lo duti na tere ti wâ ni. Wali ni abaa le ti lo ngbii si atene: “Koli so nga ayeke zo ti lo!”

Matthieu 26:69

Pierre ayeke duti na gigi na ya ti gbagba ni. Mbeni wali so ayeke sara kua kâ aga nduru na tere ti lo si atene na lo: “Mo nga, mo yeke mu peko ti Jésus, zo ti Galile so!”

Marc 14:66

So Pierre ayeke duti ti lo kâ na gbeni na ya ti gbagba ni, mbeni wali so ayeke sara kua na kota wayango-sandaga asi.

Nzoni Tënë so Luc asu na mbeti 22:55

Azo asara wâ na ya ti gbagba ni si ala yeke duti na tere ni; Pierre aga aduti na popo ti ala.

Nzoni Tënë so Luc asu na mbeti 22:57

Me Pierre abere, atene: “Wali, mbi hinga lo pepe.”