Jean 17:9 - Mbeti ti Nzapa - Tënë so amu fini

⁹ “Mbi sambela ndali ti ala. Mbi sambela ndali ti azo ti dunia so pepe, me ndali ti ala so mo mu ala na mbi. Biani, ala yeke ti mo.

Jean 17:9 Referans Kwoze

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 17:6

Azo so mo zi ala na dunia si mo mu ala na mbi, mbi sara si ala hinga mo. Ala yeke ti mo, mo mu ala na mbi si ala sara ye alingbi na tënë ti mo.

Jean 17:20

“Mbi sambela gi ndali ti ala oko pepe, me mbi sambela nga ndali ti azo so ayeke ma na be ande na mbi na lege ti fango tënë ti ala.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Jean 14:16

Fade mbi yeke hunda na Babâ ti tokua mbeni Wagbungo-koko na ala titene lo ngba na ala lakue lakue:

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Nzoni Tënë so Luc asu na mbeti 8:34

So awabatango-nguru ni abaa ye so asi so, ala kpe si ala gue, atene tënë ni na ya ti gbata ni nga na ya ti akete kodro ti yanga ti yaka.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jean 6:37

Azo so kue Babâ amu ala na mbi, fade ala yeke ga na mbi; zo so aga na mbi, fade mbi yeke zia lo na gigi oko pepe.

Jean 6:39

Ye so be ti lo so atokua mbi aye, ayeke so: na popo ti azo so lo mu ala na mbi, mbi girisa mbeni zo oko pepe, me lo ye si mbi zingo ala kue na kuâ na lango ti ndani.