Jean 17:11 - Mbeti ti Nzapa - Tënë so amu fini

¹¹ Mbi yeke na dunia so mbeni pepe, me ala yeke ti ala na dunia so. Mbi yeke gue ti mbi na tere ti mo. Babâ, mo so mo yeke nde si mo yeke nzoni kue, bata ala na lege ti ngangu ti iri ti mo so mo mu na mbi, tongaso si ala ga oko, tongana ti so mbi na mo, e yeke oko.

Jean 17:11 Referans Kwoze

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Efeze 4:4

E kue, e yeke gi tere oko si Yingo ayeke nga gi oko; legeoko nga, gi ye oko laa Nzapa airi ala titene ala zia be ti ala ti ku ni.

Filipe 2:9

Ndani laa, Nzapa amu lo na nduzu, azia lo na kota ndo, amu na lo iri so ayeke kota ahon a-iri kue.

Jean 17:25

Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Ésaïe 64:2

Tongana mo sara lani aye ti ziango mbeto na be ti zo so e ku pepe, tongana mo zu lani, ka ahoto ayingi na dawa ti mo.

Abia (Psaumes) 79:9

Nzapa, wasongo e, mu na e maboko si fade azo agonda iri ti mo. Zi e na ya ti aye ti ngangu, zi siokpari na li ti e si fade azo ane iri ti mo.

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

Rome 12:5

E nga, ataa so e yeke mingi, e ga tere oko awe na lege ti gango so e ga oko na Christ; e kue, e yeke bongbi na amba ti e na ya ti tere oko so, zo oko oko na ndo ti lo na ya ti tere ni.

Rome 9:17

Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 7:33

Jésus atene: “Mbi yeke duti kete na popo ti ala si na pekoni, mbi yeke kiri na tere ti lo so atokua mbi.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Ezekiel 20:44

Ala azo ti Israel, fade mbi yeke baa ndo na sioni lege ti dutingo ti ala pepe nga na asioni sarango ye ti ala pepe. Me mbi yeke sara na ala ndali ti nengo ti iri ti mbi. Tongaso, fade ala yeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Ezekiel 20:22

Me mbi kiri na maboko ti mbi; mbi sara ye ni ti bata nengo ti mbi si iri ti mbi abuba pepe na le ti amara nde so lani abaa mbi na ngoi so mbi sara si akotara ti ala asigigi na Ezipte so.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Jérémie 14:21

Ndali ti iri ti mo, mbata ti mo ti gbia so ayeke na gonda so, ayeke nzoni mo baa ni tongana buba ye pepe, mo ke ni pepe. Mo dabe ti mo na *mbuki so e na mo, e sara so, mo buba ya ni pepe!

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Ésaïe 27:3

“Mbi *KOTA GBIA laa mbi yeke bata yaka ni. Lakue, mbi yeke tuku ngu na ndö ni. Bi na lâ, mbi yeke bata yaka ni titene zo ali ti sara sioni na ni pepe.

Aye so Nzapa afa 19:12

Le ti lo ti bango na ndo ayeke za tongana menga ti wâ, akpoto mingi ti gbia ayeke na li ti lo. A su mbeni iri na tere ti lo so zo oko ahinga nda ni pepe, me gi lo oko.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

Jean 17:6

Azo so mo zi ala na dunia si mo mu ala na mbi, mbi sara si ala hinga mo. Ala yeke ti mo, mo mu ala na mbi si ala sara ye alingbi na tënë ti mo.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.