Jean 16:19 - Mbeti ti Nzapa - Tënë so amu fini

¹⁹ Jésus ahinga atene, ala ye ti hunda lo na tënë; nilaa lo tene na ala: “Mbi tene fade, mbi tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.’ Tënë so ala yeke hunda tere na popo ti ala na ndö ni laa?

Jean 16:19 Referans Kwoze

Jean 16:30

Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Jean 16:16

“Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.”

Jean 14:19

Ngoi angba gi kete si azo ti dunia so ayeke kiri ti baa mbi pepe. Me ti ala, fade ala yeke baa mbi, ngbanga ti so mbi yeke na fini si ala nga, ala yeke duti na fini.

Jean 13:33

Amolenge ti mbi, fade mbi yeke ngba na tere ti ala gi na ya ti mbeni kete ngoi. Fade ala yeke gi mbi, me tënë so mbi tene na amakonzi ti azuife lani so, fadeso mbi yeke tene na ala: ‘Ala lingbi ti gue pepe na ndo so mbi yeke gue daa.’

Jean 7:33

Jésus atene: “Mbi yeke duti kete na popo ti ala si na pekoni, mbi yeke kiri na tere ti lo so atokua mbi.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Matthieu 9:4

Jésus ahinga tënë ti be ti ala si lo hunda ala, lo tene: “Ngbanga ti nyen si be ti ala ayeke sioni tongaso?

Matthieu 6:8

Ala sara ye tongana ti azo ni so pepe. Biani, Babâ ti ala ahinga kozoni awe ye so atia ala.

Marc 9:32

Me adisiple ni ahinga nda ti tënë so pepe si mbeto ti hunda lo na tënë asara ala.

Jean 6:61

Me Jésus ahinga so, adisiple ti lo ayeke kasa lo na gbe ti go ti ala ngbanga ti tënë so. Ndani laa lo hunda ala, lo tene: “Tënë so aso be ti ala?

Jean 16:18

So lo tene: ‘Ngoi angba gi kete’, nda ni ayeke nyen? E hinga nda ti tënë so pepe.”

Jean 16:23

“Na lango ni so, ala yeke hunda ande mbi na mbeni ye pepe. Biani, mbi tene na ala taa-tënë: ye so kue ala hunda na iri ti mbi, fade Babâ ayeke mu ni na ala.

Jean 16:26

Na lango ni so, fade ala yeke hunda ye na lo na iri ti mbi; mbi tene na ala pepe, mbi tene, mbi laa mbi yeke hunda ye na Babâ ndali ti ala,