Jean 16:11 - Mbeti ti Nzapa - Tënë so amu fini

¹¹ Azo ni ayeke handa tere ti ala na ndö ti tënë ti fango ngbanga ti Nzapa, ndali ti so a fâ ngbanga na li ti gbia ti dunia so awe.

Jean 16:11 Referans Kwoze

Jean 12:31

Fadeso, ngbonga ti fango ngbanga na li ti azo ti dunia so alingbi awe; fade a yeke bi gbia ti dunia so na gigi.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.

Ahebro 9:27

A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Awatokua 10:42

Jésus amu na e yanga ti fa tënë na azo, ti fa nga peko ti ye so e hinga: Nzapa asoro Jésus ti fâ ngbanga ti azo so ayeke na fini na ti ala so akui awe.

Nzoni Tënë so Luc asu na mbeti 10:18

Jésus atene na ala: “Mbi baa Satan alondo na yayu ati tongana wâ ti bekpa.

Matthieu 12:36

Mbi tene na ala: na lango ti fango ngbanga, fade azo ayeke kiri tënë na ndö ti asenge senge tënë so kue ala tene ando.

Matthieu 12:18

“Baa, zo ti kua ti mbi laa, lo so mbi soro lo, lo so mbi ye lo mingi, lo so be ti mbi anzere na lo mingi. Mbi yeke zia Yingo ti mbi na ndö ti lo si lo yeke fa lege ti sarango ye ti mbirimbiri na amara nde.

Abia (Psaumes) 68:18

Apusu ti mbarata ti Nzapa ayeke kutu mingi. Kota Gbia ayeke na popo ti ala, lo yeke na ndo ti lo so ayeke nde si ayeke nzoni kue, tongana ti so lo yeke lani na hoto ti Sinai.

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Jean 16:12

“Mbi yeke na tënë mingi ti tene na ala, me ti fadeso ala lingbi ti kanga be ti ala daa pepe.