Jean 15:6 - Mbeti ti Nzapa - Tënë so amu fini

⁶ Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Jean 15:6 Referans Kwoze

Matthieu 7:19

Keke so kue ale nzoni pepe, fade a yeke de ni si a tuku ni na le ti wâ.

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Matthieu 3:10

Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

2 Pierre 2:20

Azo so azi tere ti ala awe na ya ti aye ti potopoto ti dunia na lege so ala hinga Jésus Christ, Kota Gbia ti e na Wasongo e, tongana ala kiri ayoro tere ti ala na ya ti aye ti potopoto ni titene ahon ndö ti ala si akanga ala, fade dutingo ti ala ayeke ga sioni mingi ahon ti kozoni.

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Ezekiel 17:9

“Mo tene: Tënë so Kota Gbia NZAPA atene ayeke so: ‘Vinye so ayeke mai ande laa? Kozo ngoalo ni ayeke gboto agunda ti vinye ni pepe? Lo yeke buba ale ni si akete keke so asigigi na tere ni ahole pepe? Lo yeke hunda titene mbeni ngangu zo wala gba ti azo si agboto ni pepe.

Ésaïe 14:19

Me ti mo, a bi mo na gigi yongoro na du ti kuâ ti mo tongana molenge so a du lo na kuâ ni si azo abaa lo tongana fungo ye. Mo yeke tongana kuâ so azo ado na gbe ti gere ti ala; mo yeke na popo ti azo so a fâ ala, azo so a kpo ala na yongoro zeme si a bi ala na ndö ti têne so ayeke na ngbonda ti du kâ.

Abia (Psaumes) 80:15

Nzapa, mo so mo yeke na ndö ti dunia kue, kiri, mo ga maa! Na nduzu kâ, baa ndo si mo baa ye so asi so. Ga mo baa lege ti keke ti vinye so.

Mbeti ti Job 15:30

Fade lo yeke sigigi na ya ti vukongo ndo pepe, lo yeke ga tongana mbeni keke so wâ ahole maboko ni; pupu ti yanga ti Nzapa ayeke mu lo ti hon na lo yongoro.

Matthieu 27:5

Tongaso Judas atuku nginza ni na ya ti kota da ti Nzapa si lo sigigi, lo gue. Na pekoni, lo kanga kamba na go ti lo si lo fâ tere ti lo.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.