Jean 15:15 - Mbeti ti Nzapa - Tënë so amu fini

¹⁵ Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Jean 15:15 Referans Kwoze

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Jacques 2:23

Ye so asi alingbi na tënë so Mbeti ti Nzapa atene: “Abraham ama na be na Nzapa, tongaso Nzapa abaa lo tongana zo ti mbirimbiri”. Nzapa airi lo kamarade ti ni.

Kolose 1:26

Nzapa ahonde tënë ni ngu na ngu na azo kue si lo zi le ni fadeso na azo ti lo.

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 8:26

Mbi yeke na tënë mingi ti tene na tere ti ala, mbi yeke nga na ngbanga ti fâ na li ti ala. Me lo so atokua mbi, lo yeke tene taa-tënë; gi tënë so mbi ma na yanga ti lo laa mbi yeke tene na azo ti dunia.”

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Philémon 1:16

Ti fadeso, lo yeke gi ngbaa pepe, me lo hon ngbaa awe; lo yeke ita so e ye lo mingi. Mbi ye lo ahon ndoni, mo nga, fade mo yeke ye lo ahon ndoni, ngbanga ti so lo yeke mba ti mo zo si lo yeke nga mba ti mo, zo ti *Kota Gbia.

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Jean 15:20

Ala dabe ti ala na tënë so mbi tene na ala: ‘Zo ti kua ayeke kota ahon makonzi ti lo pepe.’ Fade azo ayeke sara ngangu na ala tongana ti so azo ni asara ngangu na mbi. Tongana azo ni asara fade ye alingbi na tënë ti mbi, ka ala sara nga ye alingbi na tënë ti ala.

Jean 13:16

Biani, mbi tene na ala taa-tënë: zo ti kua ayeke kota ahon makonzi ti lo pepe; zo ti tokua ayeke kota ahon zo so atokua lo pepe.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Jean 4:19

Tongaso, wali ni atene na lo: “Kota zo, mbi baa so mo yeke mbeni wayanga-Nzapa!

Nzoni Tënë so Luc asu na mbeti 10:23

Na pekoni, Jésus abaa ndo na mbage ti adisiple ti lo si lo tene tënë gi na ala, lo tene: “Ti ala nzoni, ala so ayeke baa ye so ala yeke baa ni so!

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Jean 16:12

“Mbi yeke na tënë mingi ti tene na ala, me ti fadeso ala lingbi ti kanga be ti ala daa pepe.

Rome 7:15

Biani, mbi hinga li ti mbi na ye so mbi yeke sara pepe: ye so mbi ye, mbi yeke sara ni pepe, me ye so mbi ke, ni laa mbi yeke sara.

1 Korente 2:16

Tongana ti so Mbeti ti Nzapa atene: “Zo wa laa ahinga tënë ti be ti Kota Gbia? Zo wa laa alingbi ti fa ye na lo?” Ti e, tënë ti be ti Christ ayeke na be ti e.