Jean 13:21 - Mbeti ti Nzapa - Tënë so amu fini

²¹ Na peko ti tënë so, be ti Jésus ayeke na siriri pepe si lo tene polele, lo tene: “Biani, mbi tene na ala taa-tënë: fade mbeni zo oko na popo ti ala ayeke ka mbi.”

Jean 13:21 Referans Kwoze

Matthieu 26:21

So ala yeke te kobe ni, Jésus atene na ala: “Mbi tene na ala taa-tënë: mbeni oko na popo ti ala ayeke ka mbi.”

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Marc 14:18

So ala yeke te kobe, Jésus atene na ala: “Mbi tene na ala taa-tënë: mbeni oko na popo ti ala so mbi na lo, e yeke te kobe oko, ayeke ka mbi.”

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 11:33

So Jésus abaa Marie na azuife so ague na peko ti lo kue na toto, vundu agbu lo si be ti lo ayeke na siriri pepe.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Awatokua 17:16

So Paul ayeke ku Silas na Timothée na Athènes, be ti lo aso songo na bango gbata so ayanda nde nde asi singo daa.

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.

Jean 11:38

Vundu akiri agbu be ti Jésus si lo gue na du ti kuâ ni. Du ti kuâ ni ayeke na ya ti mbeni kota du ti têne si a kanga yanga ni na mbeni kota têne.

Jean 11:35

Jésus atoto.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Matthieu 26:38

Tongaso lo tene na ala: “Be ti mbi ayeke na vundu mingi, mo baa mo tene, mbi ye ti kui kuingo; ala ngba na ndo so, mbi na ala, e lango pepe!”

Jean 13:22

Adisiple ti lo abaa le ti tere si ala hunda tere ti hinga zo wa laa Jésus ayeke tene tënë ti lo so.