Jean 13:18 - Mbeti ti Nzapa - Tënë so amu fini

¹⁸ Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.

Jean 13:18 Referans Kwoze

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Matthieu 26:23

Jésus akiri tënë na ala: “Zo so mbi na lo, e yeke yoro maboko oko na ya ti sembe, lo laa lo yeke ka mbi.

Jean 17:12

So mbi yeke lani na tere ti ala, mbi bata ala na lege ti ngangu ti iri ti mo so mo mu na mbi. Mbi bata ala si zo oko na popo ti ala agirisa pepe, gi lo so a yeke buba ande lo biani biani so, tongaso si tënë ti Mbeti ti Nzapa aga taa-tënë.

Marc 14:20

Jésus atene na ala: “Ayeke mbeni oko ti adisiple baleoko na use, lo so mbi na lo, e yeke yoro maboko oko na ya ti sembe.

Jean 13:26

Jésus akiri tënë na lo, atene: “Mbi yeke yoro nduru mapa na ya ti ngu ti kasa ti mu na mbeni zo: zo ni laa.” Na pekoni, lo mu mapa, lo yoro na ya ti ngu ti kasa ni si lo mu na Judas, molenge ti Iskariote.

Jean 6:70

Jésus akiri tënë na ala, atene: “Mbi laa mbi soro ala so baleoko na use so pepe? Andaa mbeni zo oko na popo ti ala ayeke ti lo mbeni zabolo!”

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Matthieu 10:36

Fade azo ti da ti zo laa ayeke ga awato ti lo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

Jérémie 41:2

Ismael, molenge ti Netania, lo na azo baleoko so amu peko ti lo alondo, ala kpo Gedalia, molenge ti Netania na yongoro zeme. Lege so ala fâ lo so gbia ti Babilone azia lo na li ti kodro ni laa.

Matthieu 26:21

So ala yeke te kobe ni, Jésus atene na ala: “Mbi tene na ala taa-tënë: mbeni oko na popo ti ala ayeke ka mbi.”

Marc 14:17

Na lakui ni, Jésus na adisiple baleoko na use kue asi.

Marc 14:18

So ala yeke te kobe, Jésus atene na ala: “Mbi tene na ala taa-tënë: mbeni oko na popo ti ala so mbi na lo, e yeke te kobe oko, ayeke ka mbi.”

Nzoni Tënë so Luc asu na mbeti 22:21

Ala baa: zo ti kango mbi ayeke na ndo so, mbi na lo laa e yeke te kobe so!

Jean 13:21

Na peko ti tënë so, be ti Jésus ayeke na siriri pepe si lo tene polele, lo tene: “Biani, mbi tene na ala taa-tënë: fade mbeni zo oko na popo ti ala ayeke ka mbi.”

Jean 13:22

Adisiple ti lo abaa le ti tere si ala hunda tere ti hinga zo wa laa Jésus ayeke tene tënë ti lo so.

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

Jean 18:32

Ye ni asi si tënë so Jésus atene na ndö ti mara ti kuâ so fade lo yeke kui aga taa-tënë.

Jean 19:24

Aturugu ni atene na popo ti ala: “E suru ya ti bongo ni pepe, me e bi *dee ti hinga zo so ayeke wara ni.” Ye so asi si tënë ti Mbeti ti Nzapa aga taa-tënë; tënë ni atene: “Ala kangbi ya ti abongo ti mbi na popo ti ala si ala bi dee ti hinga zo so ayeke mu yongoro bongo ti mbi.” Ye so aturugu asara laa.

Jean 19:36

Ye so asi titene tënë ti Mbeti ti Nzapa aga taa-tënë; tënë ni atene: “Fade bio ti lo oko ayeke kungbi pepe.”

Awatokua 1:2

ngbii asi na lango so a mu lo na yayu. Kozo titene a mu Jésus na yayu, lo mu yanga na lege ti ngangu ti Yingo-Vuru na azo so lo soro ala ti ga *awatokua.

Awatokua 1:16

“A-ita, ye so Yingo-Vuru atene tënë ni na ya ti Mbeti ti Nzapa so, ayeke nzoni ye ni asi alingbi na ni. Yingo-Vuru atene tënë na ndö ti Judas na lege ti David; Judas so aga zo ti fango lege na azo ti gbungo Jésus so.