Jean 12:5 - Mbeti ti Nzapa - Tënë so amu fini

⁵ “Ngbanga ti nyen si a ka yombo so na ale ti nginza ngbangbo ota si amu nginza ni na azo ti mawa pepe?”

Jean 12:5 Referans Kwoze

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Jean 6:7

Philippe akiri tënë na lo: “Ataa e yeke na ale ti nginza ngbangbo use, so ayeke lingbi ande ti vo na kobe si zo oko oko awara kete ate?”

Nzoni Tënë so Luc asu na mbeti 6:41

Ngbanga ti nyen laa mo yeke baa gi kete pere so ayeke na le ti mba ti mo si mo yeke baa kota keke so ayeke na le ti mo so pepe?

Matthieu 20:2

Lo na azo ti kua ni ama tere titene lo futa na ala nginza so a yeke mu na zo ndali ti kua ti lango oko. Na pekoni, lo tokua ala na yaka ti vinye ti lo ni.

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Sigingo 5:17

Faraon akiri tënë: “Ala yeke azo ti sopo; biani, ala yeke azo ti sopo! Ndani laa ala tene: ‘E gue, e mu *sandaga na KOTA GBIA!’

Sigingo 5:8

Fade ala tene na azo ti Israel ni ti sara biriki so wungo ni ayeke gi tongana ti kozo; ala kiri na wungo ni na peko pepe. Azo ni ayeke azo ti sopo! Ndani laa ala yeke dekongo, atene: ‘E gue, e mu *sandaga na Nzapa ti e si!’

Matthieu 18:28

Zo ti kua ni asigigi si lo tengbi na mbeni mba ti lo; yongo ti lo ayeke ale ti nginza ngbangbo oko na li ti mba ti lo ni. Lo gbu go ti mba ti lo ni si lo to nda ti pete ni ngangu, lo tene: ‘Futa na mbi yongo ti mbi!’

Jean 12:4

Judas Iskariote, mbeni disiple oko ti Jésus so ayeke ka ande lo, atene:

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Jean 13:29

Judas laa ayeke bata bozo ti nginza. Nilaa ambeni disiple atene na be ti ala, Jésus aye ti tene: “Gue mo vo kobe ti matanga ni”, wala “Gue mo mu mbeni ye na azo ti mawa.”

Esdras 4:14

Babâ gbia, e so e wara pasa ti ga azo ti kua ti mo, e lingbi ti yeda pepe titene azo abaa mo tongana buba zo. Ndani laa e tokua mbeti so ti fa na mo aye so asi.