Jean 12:48 - Mbeti ti Nzapa - Tënë so amu fini

⁴⁸ Zo so ake mbi si lo ke nga atënë ti mbi, mbeni ye ti fango ngbanga na li ti lo ayeke daa: atënë so mbi tene laa ayeke fâ ngbanga na li ti lo na lango ti ndani.

Jean 12:48 Referans Kwoze

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Jean 11:24

Marthe akiri tënë, atene: “Mbi hinga so, lo yeke zingo na kuâ na lango ti ndani.”

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Jean 5:45

Ala baa ti ala atene, mbi laa mbi yeke bi tënë na li ti ala na gbe ti Babâ? Oko pepe. Moïse, lo so ala zia be ti ala na ndö ti lo, lo laa lo yeke bi tënë na li ti ala.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

2 Korente 4:3

Tongana Nzoni Tënë so e yeke fa so angba na hondengo ni, angba na hondengo ni ndali ti azo so ayeke girisa lege,

Nzoni Tënë so Luc asu na mbeti 20:17

Me Jésus abaa le ti ala si lo tene na ala: “Nda ti tënë so a su na ya ti Mbeti ti Nzapa so atene nyen? Tënë so atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Nzoni Tënë so Luc asu na mbeti 17:25

Me kozoni, alingbi lo baa pasi mingi si azo ti fadeso ake lo.

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Nzoni Tënë so Luc asu na mbeti 9:22

Lo tene: “Alingbi *Molenge ti Zo abaa pasi mingi. *Akangba, akota wayango-sandaga na awafango-ndia ayeke ke lo, ala yeke fâ lo si na lango ota ni, lo yeke zingo na kuâ.”

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

1 Samuel 8:7

KOTA GBIA atene na Samuel: “Atënë so kue azo ni ayeke tene, mo ma ni. Mo laa ala ke mo pepe, me mbi. Ala ye titene mbi kiri mbi le-gbia na ndö ti ala pepe.

Awatokua 3:23

Zo so kue ake yanga ti wayanga-Nzapa so, fade a yeke zi lo na popo ti azo ti Nzapa si a yeke fâ lo.’

Marc 8:31

Na pekoni, Jésus ato nda ti fa ye na adisiple ti lo, lo tene: “Alingbi *Molenge ti Zo abaa pasi mingi. *Akangba, na akota wayango-sandaga na awafango-ndia ayeke ke lo, ala yeke fâ lo si lango ota na pekoni, lo yeke zingo na kuâ.”

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Jean 6:39

Ye so be ti lo so atokua mbi aye, ayeke so: na popo ti azo so lo mu ala na mbi, mbi girisa mbeni zo oko pepe, me lo ye si mbi zingo ala kue na kuâ na lango ti ndani.

Jean 8:47

Zo so ayeke ti Nzapa ayeke ma atënë ti Nzapa. Ti ala, ala ma tënë ti mbi pepe, ngbanga ti so ala yeke azo ti Nzapa pepe.”

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

1 Pierre 1:5

Aye ni so ayeke ndali ti ala, ala so ayeke na mabe. Lo yeke bata ala na lege ti ngangu ti lo titene lo soo ala si na ngoi ti ndani, azo kue ayeke baa ni.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.