Biblia Todo Logo
Bib sou entènèt

- Piblisite -




Jean 12:43 - Mbeti ti Nzapa - Tënë so amu fini

43 Biani, ala ye titene azo agonda ala ahon titene Nzapa laa agonda ala.

Gade chapit la Kopi




Jean 12:43
20 Referans Kwoze  

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?


“Mbi yeke gi titene azo agonda mbi pepe.


Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.


E gi lege pepe titene azo agonda e, ataa na popo ti ala, ataa na popo ti ambeni zo nde.


Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.


Tongana mo yeke mu ye na azo ti mawa, ayeke nzoni mo dekongo na tënë ni pepe, tongana ti azo so tënë ti yanga ti ala ayeke nde na sarango ye ti ala: azo ni ayeke sara tongaso na ya ti ada ti sambelango Nzapa nga na be ti lege titene azo agonda ala. Mbi tene na ala taa-tënë: azo ni so awara ti ala futa ni awe.


Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.


Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”


Jésus akiri tënë na ala, atene: “Tongana mbi gonda tere ti mbi wani, gondango tere ti mbi ni ayeke mbeni ye pepe. Zo ti gondango mbi ayeke Babâ ti mbi, lo so ala tene: ‘Lo yeke Nzapa ti e’ so;


Gbia ni atene na lo: ‘So nzoni! Mo yeke nzoni zo ti kua! Kete ye so a mu na mo, mo sara kua na ni na legeni. Tongaso, mbi mu mo titene mo sara komandema na ndö ti agbata baleoko.’


Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.


Me ala gi ti ga pendere na be ti ala. Aye ti pendere ni ayeke be so aduti kpoo, aduti na siriri si ane mingi na le ti Nzapa; aye ti pendere so laa ayeke buba pepe.


Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.


Biani, lengo-gbia ayeke ti KOTA GBIA, lo sara komandema na ndö ti amara kue.


Saul akiri atene: “Mbi sara siokpari awe. Fadeso, mbi gbu gere ti mo, mo ne mbi na dawa ti *akangba ti kodro ti mbi nga na dawa ti azo ti Israel. Ga, e na mo, e kiri legeoko titene mbi gue, mbi voro KOTA GBIA, Nzapa ti mo.”


Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.


Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.


me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.


Swiv nou:

Piblisite


Piblisite