Jean 12:19 - Mbeti ti Nzapa - Tënë so amu fini

¹⁹ Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Jean 12:19 Referans Kwoze

Awatokua 17:6

So ala wara Paul na Silas pepe, ala gbu Yason na ambeni ita, azo ti Christ si ague na ala na gbe ti akota zo ti gbata ni. Ala to nda ti dekongo, atene: “Azo so abi wusuwusu na ya ti dunia kue, fadeso ala si ge awe.

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 3:26

Ala gue, awara Jean si ala tene na lo: “Wafango-ye, koli so lani mo na lo ayeke na mbage ti ngu ti Jourdain kâ so, lo so mo fa peko ti tënë ti lo so, baa, lo kiri lo yeke batize azo si azo kue ayeke gue gi na lo!”

Ésaïe 27:6

Na ya ti angoi so ayeke ga, fade mara ti Jacob ayeke ga tongana keke so agunda ni asigigi, Israel ayeke ga tongana keke so kugbe asigigi daa, akongo ni asigigi; ale ti keke ni ayeke mu ndö ti dunia kue.

Matthieu 21:15

So akota wayango-sandaga na awafango-ndia abaa aye ti kpene so Jésus asara si ala baa nga amolenge so ayeke dekongo na ya ti kota da ti Nzapa, atene: “E gonda Molenge ti David”, be ti ala aso.

Abia (Psaumes) 49:1

Bia ti azo ti Kore; bia so ayeke ndali ti makonzi-bia.

Jean 12:18

Azo ama tënë ti ye ti kpene so Jésus asara, ndani laa gba ti azo aga ti wara lo na lege.

Jean 12:20

Ambeni greke ayeke na popo ti azo so ague ti voro Nzapa na matanga so ayeke na Jérusalem.