Jean 12:15 - Mbeti ti Nzapa - Tënë so amu fini

¹⁵ “Mbeto asara mo pepe, gbata ti *Sion! Baa, gbia ti mo ayeke ga, lo duti na ndö ti mbeni molenge ti lele.”

Jean 12:15 Referans Kwoze

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

2 Samuel 16:2

Gbia ahunda Siba, atene: “Nyen laa mo ye ti sara na ye so kue, nyen?” Siba akiri tënë, atene: “Alele so ayeke ti yo asewa ti gbia ti tambula na ala, mapa ni na ale ti keke ni ayeke kobe ti aturugu, vin ni ayeke titene azo so awoko na benyama anyon ni.”

Mishe 4:8

Mo, hoto ti Sion, mo so mo yeke baa ndo na ndö ti azo tongana mbeni wabatango-taba so aluti na nduzu, fade mo yeke kiri ti wara komandema ti mo ti kozo. Jérusalem ayeke kiri ti ga kota gbata ti kodro ni.”

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

1 Agbia 1:33

gbia atene na ala: “Ala bongbi azo ti yangbo ti mbi, ala mu pâkârâ ti mbi ti gbia, ala zia molenge ti mbi Salomon na ndö ni, ala gue na lo na li ti ngu ti Gihon.

Awafango-ngbanga 12:14

Abdon ayeke na amolenge-koli baleosio nga na atara baleota; ala yeke ko na ndö ti alele balembarambara. Abdon aduti wafango-ngbanga ngu miombe na Israel.

Awafango-ngbanga 5:10

Ala so ayeke ko na ndö ti avuru mama ti lele, ala so ayeke duti na ndö ti atapi nga na ala so ayeke tambula na ndö ti alege, ala gbu li ti ala si!

Ndia ti fani use ni 17:16

Ye oko, alingbi gbia ni aduti na ambarata gbani gbani pepe. Alingbi lo tokua azo na Ezipte pepe titene ala gue, avo gba ti ambarata, ngbanga ti so KOTA GBIA atene lani na ala, atene: “Fade ala yeke kiri ti gue na kodro so pepe!”

2 Samuel 15:1

Na pekoni, Absalom aleke pusu ti mbarata na ambarata, lo mu azo baleoku so ayeke kpe na dawa ti lo.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Jean 12:14

Jésus awara mbeni kete lele si lo ko na ndö ni, tongana ti so Mbeti ti Nzapa atene: