Jean 12:13 - Mbeti ti Nzapa - Tënë so amu fini

¹³ Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”

Jean 12:13 Referans Kwoze

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Aye so Nzapa afa 7:9

Na pekoni, mbi kiri mbi baa azo gbani gbani, zo alingbi ti diko wungo ti ala pepe. Azo ni ayeke azo ti amara kue, azo ti akete mara kue, azo ti ayanga ti akodro nde nde kue. Ala yeke luti na le ti lo so ayeke duti na ndö ti mbata ti gbia nga na le ti Molenge ti Taba; ala kue ayu ayongoro vuru bongo si ala gbu amaboko ti keke ti mburu na maboko ti ala.

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Matthieu 23:39

Mbi tene na ala so fade ala kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Awayango-sandaga 23:40

Na kozo lango ni, fade ala yeke mu anzoni le ti keke, amaboko ti mburu, amaboko ti keke so akugbe ayeke daa mingi na amaboko ti keke so ayeke na ya ti ngu; ala yeke sara ngia na ya ti lango mbarambara na dawa ti mbi KOTA GBIA, Nzapa ti ala.

Jean 12:15

“Mbeto asara mo pepe, gbata ti *Sion! Baa, gbia ti mo ayeke ga, lo duti na ndö ti mbeni molenge ti lele.”

Matthieu 27:42

“Lo soo ambeni zo na kuâ, me lo lingbi ti soo tere ti lo wani pepe! So gbia ti Israel ni laa? Lo londo fadeso na ndö ti keke ti kroa, lo zu na sese si fade e ma na be na lo.

Jean 12:14

Jésus awara mbeni kete lele si lo ko na ndö ni, tongana ti so Mbeti ti Nzapa atene: