Jean 11:49 - Mbeti ti Nzapa - Tënë so amu fini

⁴⁹ Mbeni oko na popo ti ala so iri ti lo Kaife, ayeke kota wayango-sandaga na ngu ni so; lo tene: “Li ti ala ayeke daa pepe!

Jean 11:49 Referans Kwoze

Jean 11:51

Andaa tënë so lo tene so alondo na lo wani pepe; me ndali ti so lo yeke kota wayango-sandaga na ngu ni so, lo tene gi peko ti tënë ti yanga ti Nzapa ti fa so Jésus ayeke kui ngbanga ti mara ti azuife.

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Awatokua 4:6

Kota wayango-sandaga Hane ayeke daa, lo na Kaife, Jean, Alexandre na ambeni zo ti sewa ti kota wayango-sandaga ni.

Nzoni Tënë so Luc asu na mbeti 3:2

Hane na Kaife ayeke akota wayango-sandaga. Tënë ti Nzapa asi na Jean, molenge ti Zakarii na ndembe so Jean ayeke na benyama.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.