Jean 11:34 - Mbeti ti Nzapa - Tënë so amu fini

³⁴ Lo hunda ala, lo tene: “Ala lu lo na ndo wa?” Ala tene na lo: “Kota Gbia, ga, mo baa.”

Jean 11:34 Referans Kwoze

Jean 20:2

Lo kpe, lo gue, lo si na Simon nga na mbeni disiple, lo so Jésus aye lo mingi so. Lo tene na ala: “A zi *Kota Gbia na ya ti du ti kuâ ni awe, e hinga ndo so a zia lo daa pepe!”

Jean 1:39

Jésus akiri tënë na ala, atene: “Ala ga abaa!” Tongaso ala gue si ala baa ndo so Jésus ayeke lango daa. Ala ngba na tere ti lo na lango ni so. Andaa ngbonga aga nduru na ngbonga osio ti peko ti bekombite.

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Marc 15:47

Marie ti kodro ti Magdala na Marie, mama ti Yozes ayeke baa ndo so ala yeke zia Jésus daa.

Matthieu 28:6

Lo yeke na ndo so pepe, lo zingo na kuâ awe tongana ti so lo tene tënë ni lani. Ala ga, ala baa ndo so lani lo lango daa.

Jean 11:33

So Jésus abaa Marie na azuife so ague na peko ti lo kue na toto, vundu agbu lo si be ti lo ayeke na siriri pepe.

Jean 11:35

Jésus atoto.