Jean 11:10 - Mbeti ti Nzapa - Tënë so amu fini

¹⁰ Me tongana zo atambula na bi, lo yeke pika gere ti lo, ngbanga ti so ndo avuko na le ti lo.”

Jean 11:10 Referans Kwoze

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Zo ti bongbingo azo 2:14

Zo ti ndara ayeke baa ndo so lo yeke gue daa; zo ti buba ayeke tambula na ya ti vukongo ndo. Me mbi baa so ala use kue, gi ye oko laa ayeke ku ala.

Abia (Psaumes) 27:2

Tongana azo ti sioni aga ti tiri na mbi, ti doroko mbi tongana nyama ti ala, ala so ayeke awato ti mbi, ala so ake mbi, fade ala wani ayeke woko si ala ti na sese.

Matthieu 13:21

Me tënë ni ali na ya ti be ti ala pepe, ala bata tënë ni na be ti ala aninga pepe. Tongana pasi wala ye ti ngangu asi na ala ngbanga ti tënë ti Nzapa, fafade ala do lege ti tënë ti Nzapa azia.

Jean 11:9

Jésus atene na ala: “Ti londo na ndaperere ngbii asi na lakui, lâ ayeke su na ya ti ngbonga baleoko na use pepe? Zo so ayeke tambula na kota lâ, lo yeke pika gere ti lo pepe, ngbanga ti so lo yeke baa ndo polele.

Jean 11:11

Na peko ti tënë so, Jésus atene na ala: “Lazare so e na lo, e ye tere, alango awe; me mbi yeke gue ti zingo lo.”