Jean 1:41 - Mbeti ti Nzapa - Tënë so amu fini

⁴¹ Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Jean 1:41 Referans Kwoze

Jean 4:25

Wali ni atene na lo: “Mbi hinga so *Mesii so ala iri lo Christ ayeke ga. Tongana lo ga, fade lo yeke fa na e nda ti ye kue.”

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Nzoni Tënë so Luc asu na mbeti 2:17

So awabatango-taba ni abaa lo awe, ala fa peko ti tënë so ange ni atene na ala na ndö ti molenge ni.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

2 Agbia 7:9

Azo ti buruma ni atene na popo ti ala: “Ye so e sara so ayeke nzoni pepe! Laso ayeke lango ti nzoni sango. Tongana e kanga yanga ti e ti ku titene ndo ahan si e tene tënë ni na azo, gbaa fade a yeke fâ ngbanga na li ti e. Ayeke nzoni e li na ya ti gbata ni, e tene tënë ni na azo ti yangbo ti gbia.”

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –