Jean 1:33 - Mbeti ti Nzapa - Tënë so amu fini

³³ Mbi hinga ti mbi lo kozoni pepe, me lo so atokua mbi ti batize azo na ngu, lo tene: ‘Zo so mo yeke baa ande Yingo azu si aduti na ndö ti lo, lo laa lo yeke batize azo na Yingo-Vuru.’

Jean 1:33 Referans Kwoze

Awatokua 1:5

Jean abatize azo na ngu, me na ya ti akete lango, fade Nzapa ayeke batize ala na Yingo-Vuru.”

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Jean 1:31

Mbi hinga ti mbi lo kozoni pepe, me mbi ga ti batize azo na ngu ti sara si azo ti Israel ahinga lo.”

Jean 7:39

Jésus ayeke tene tënë ti Yingo-Vuru so fade azo so ama na be na lo ayeke wara. Na ndembe ni so Yingo-Vuru ade ti ga pepe, ngbanga ti so Jésus ade ti wara gonda ti lo pepe.

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.