Jacques 4:10 - Mbeti ti Nzapa - Tënë so amu fini

¹⁰ Ala sara tere ti ala kete na gbe ti *Kota Gbia si fade lo yeke mu ala na nduzu.

Jacques 4:10 Referans Kwoze

Abia (Psaumes) 147:6

KOTA GBIA ayeke mu asenge zo na nduzu, lo yeke kiri azo ti sioni ngbii asi na sese.

Matthieu 23:12

Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

1 Pierre 5:6

Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Abia (Psaumes) 113:7

Zo ti mawa so ayeke na ya ti fuku ti sese, lo mu lo na nduzu; zo so ye atia lo si lo yeke duti na ndö ti gba ti azende, lo zia lo na nduzu.

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Abia (Psaumes) 27:6

Ti fadeso, mbi yeke tambula gi na baba na le ti awato ti mbi so angoro mbi. Na ya ti kota da ti KOTA GBIA, mbi yeke dekongo na ngia si mbi yeke ya na lo asandaga. Fade mbi yeke pika mozoko ti gonda na lo si mbi yeke he bia ti yamba na lo.

Abia (Psaumes) 30:1

Bia ti David. A he ni ndali ti matanga ti ziango kota da ti Nzapa na maboko ti lo.

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.

Abia (Psaumes) 28:9

Mo soo azo ti mo; mo sara tufa na ndö ti ye so aga ti mo awe. Duti tongana wabatango-taba, mo bata ala; mo sara na ala lakue lakue!

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

1 Samuel 2:7

KOTA GBIA laa ayeke sara si zo aga wayere; lo laa lo yeke mu mosoro na zo. KOTA GBIA laa ayeke zia zo na kete ndo; lo laa lo yeke zia zo na kota ndo.

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Mbeti ti Job 5:11

Lo yeke mu asenge zo na nduzu; azo so ayeke na ya ti mua, lo yeke zi ala na ya ti mua ni titene ala wara ngia.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Ezekiel 21:26

Gbia ti Babilone aluti na sangbi-lege ni, na ndo so alege use so atengbi daa ti bi zeke. Lo yingi ale ti kokora, lo hunda anzapa ti lo, lo baa be ti anyama.