Jacques 3:3 - Mbeti ti Nzapa - Tënë so amu fini

³ Tongana e kanga kamba na yanga ti ambarata titene ala gue na ndo so e ye ala gue daa, e lingbi ti fa lege na ngbongboro tere ti ambarata ni kue.

Jacques 3:3 Referans Kwoze

Abia (Psaumes) 32:9

Mbarata na lele ahinga ndo pepe; titene ala luti, a yeke zia wen na kamba na yanga ti ala. Mo sara ye tongana ala pepe si fade sioni ye asi na mo pepe.”

Abia (Psaumes) 39:1

Bia ti David; bia so ayeke ndali ti makonzi-bia, nga ndali ti Yedutun.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

2 Agbia 19:28

Biani, mo sara ngonzo na tere ti mbi si zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Jacques 3:4

Ala baa nga amangboko: ataa so ala yeke kota mingi si akota pupu ayeke pusu ala ti hon na ni, gi mbeni kete *kâî so ayeke na peko ti mangboko si ayeke sara titene mangboko ni ague na ndo so be ti zo ti kpengo na ni aye.

Mbeti ti Job 41:13

Pupu ti yanga ti lo alingbi ti sara si wâ aza; amenga ti wâ ayeke sigigi na yanga ti lo.