Jacques 1:24 - Mbeti ti Nzapa - Tënë so amu fini

²⁴ Na peko ti bango le ti lo ni, lo mu lege, lo hon si lo kiri lo girisa wala le ti lo ni ayeke tongana nyen.

Jacques 1:24 Referans Kwoze

2 Pierre 3:11

So aye ni kue ayeke hon ande hongo so, fade ala yeke duti tongana nyen? Alingbi dutingo ti ala ayeke nde, ayeke nzoni kue si ala kpe mbeto ti Nzapa.

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Nzoni Tënë so Luc asu na mbeti 1:66

Azo so kue ama tënë ti aye ni so, abata tënë ni na be ti ala si ala yeke tene na popo ti ala: “Fade kete molenge so ayeke ga tongana nyen?” Ngangu ti *Kota Gbia ayeke na lo biani.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

Matthieu 8:27

Be ti azo ni kue ado si ala tene: “Zo so ayeke zo wa si pupu na amapo kue ayeke ma yanga ti lo so?”

Awafango-ngbanga 8:18

Na pekoni, Gédéon ahunda Zeba na Salmuna, atene: “Akoli so ala fâ ala lani na hoto ti Tabor so ayeke tongana nyen?” Ala kiri tënë, atene: “Ala yeke tongana mo. Ala kue akpa gi amolenge ti gbia!”

Jacques 1:23

Biani, zo so ama tënë ni si lo sara ye alingbi na ni pepe, lo yeke tongana zo so abaa le ti lo so a du lo na ni na ya ti tatara.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.