Biblia Todo Logo
Bib sou entènèt

- Piblisite -




Jacques 1:17 - Mbeti ti Nzapa - Tënë so amu fini

17 Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Gade chapit la Kopi




Jacques 1:17
62 Referans Kwoze  

Jean akiri tënë na ala: “Tongana Nzapa amu ye na zo pepe, zo ni alingbi ti wara ni pepe.


Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!


Jésus Christ angba tongana ti biri, ti laso na kpu na kpu.


Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”


Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?


Tënë so e ma na yanga ti lo si e yeke fa peko ni na ala ayeke so: Nzapa ayeke lumiere, vukongo ndo ayeke na ya ti lo oko pepe.


KOTA GBIA laa ayeke mu ndara na zo; hingango ye na hingango ndo alondo na lo.


Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.


Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.


“Mbi *KOTA GBIA, mbi sanze pepe. Me ti ala, ala ngba lakue azo ti mara ti Jacob.


Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.


Ala so ayeke azo ti sioni, ala hinga ti mu anzoni ye na amolenge ti ala. Tongaso, Babâ so ayeke na yayu, alingbi ti mu ande Yingo-Vuru na azo so ahunda ni na lo pepe?”


Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?


Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.


Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,


Tënë ni ayeke taa lumiere so aga na ndö ti dunia so; lo za si zo oko oko abaa ndo polele.


Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.


Ayeke nzoni KOTA GBIA amu na mo lege ti hinga popo ti nzoni na ti sioni, ti duti na hingango ndo na ngoi so lo yeke zia mo gbia ti Israel, titene mo sara ye alingbi na *Ndia ti KOTA GBIA, Nzapa ti mo.


Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.


Fadeso, na kota lâ, sungo ti lâ laa ayeke kiri ti mu lumiere na mo pepe, na bi, sungo ti nze laa ayeke kiri ti mu lumiere na mo pepe. Me mbi KOTA GBIA, Nzapa ti mo laa, mbi yeke ga lumiere ti mo lakue lakue. Vurungo ndo ti mbi ayeke su na ndö ti mo.


Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”


Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”


Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.


Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.


Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.


Mu na molenge ti mbi Salomon be so ayeke use use pepe si lo bata atënë ti ndia ti mo, aye so mo fa nga na ambela ti mo. Tongaso si lo sara ye alingbi na ni kue, lo sara yangbo ti mo so mbi leke aye so kue ndali ni.”


Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.


Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.


Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.


Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.


So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”


Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.


Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”


Nzapa ti lo laa afa na lo lege ti sarango ye ni, lo laa lo fa na lo ye ni.


Azo, ala hunda siriri ndali ti Jérusalem! Ayeke nzoni azo so aye mo aduti nzoni!


Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.


KOTA GBIA azu na ya ti ngbongboro mbinda si lo tene tënë na Moïse. Lo zi mbeni yingo so ayeke na ndö ti Moïse so kete si lo kangbi ni na akangba balembarambara. Gi so yingo ni aduti na ndö ti ala awe, ala to nda ti tene tënë tongana awayanga-Nzapa, me na pekoni, ala ngba ti sara ni pepe.


Taa-tënë ayeke londo na sese ti ma na nduzu si mbirimbiri ayeke londo na yayu ti zu na sese.


Fade aye so kue ayeke buba, me ti mo, mo yeke ngba. Ala kue ayeke woko tongana gbagba bongo. Tongana ti so zo ayeke zi gbagba bongo ti yu mbeni nde, fade mo yeke sara si ala ga nde.


Lo sara akota ye so ayeke su na le ti nduzu: – Biani, nzoni be ti lo angba kpu na kpu!


Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”


Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.


Swiv nou:

Piblisite


Piblisite