Habakuk 3:3 - Mbeti ti Nzapa - Tënë so amu fini

³ Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Habakuk 3:3 Referans Kwoze

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Abdias 1:9

Ti mo, gbata ti Teman, fade mbeto ayeke hon ndö ti angangu turugu ti mo. Nilaa fade a yeke fâ akoli kue ti ndö ti hoto ti Ezau.

Amos 1:12

Fade mbi yeke bi wâ na gbata ti Teman si wâ ni ayeke gbi ayangbo ti gbata ti Bosra kue.”

Abia (Psaumes) 4:4

Ayeke nzoni ala hinga atene, *KOTA GBIA azia zo ti lo nde; zo ti lo so abata be ti lo na Nzapa. KOTA GBIA ayeke ma mbi tongana mbi iri lo.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Ndia ti fani use ni 5:24

ala tene: “*KOTA GBIA Nzapa ti e afa na e gonda ti lo, lo fa nga na e so lo yeke kota. E ma go ti lo so alondo na ya ti wâ. Laso, e baa so Nzapa alingbi ti tene tënë na zo si zo ni angba na fini senge.

Tongo nda ti aye 21:21

Lo sara kodro na benyama ti Paran. Mama ti lo amu na lo mbeni wali ti kodro ti Ezipte.

Ésaïe 64:3

Mara ti ye so mo sara ndali ti azo so azia be ti ala na ndö ti mo, mbeni nzapa nde asara ni laoko pepe, me gi mo oko. Zo oko ama tënë ni laoko pepe, zo oko ahinga tënë ni laoko pepe, zo oko abaa ni laoko pepe.

Abia (Psaumes) 48:10

Nzapa, so e yeke na ya ti kota da ti mo, e yeke dabe ti e na nzoni be ti mo.

Abia (Psaumes) 9:20

KOTA GBIA, londo! Ayeke nzoni zo ahon ndö ti mo pepe! Ayeke nzoni mo fâ ngbanga ti amara nde na dawa ti mo.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Abia (Psaumes) 3:4

Me KOTA GBIA, mo yeke *vala ti batango mbi, mo sara si mbi kiri mbi ne na le ti azo, mo laa mo sara si mbi yeke tambula li ti mbi na nduzu.

Abia (Psaumes) 3:2

*KOTA GBIA, awato ti mbi, ala yeke mingi; azo so alondo ti tiri bira na mbi, ala wu mingi.

1 Samuel 25:1

Na ndembe ni so, Samuel akui. Azo ti Israel kue abongbi si atoto kuâ ti lo. A lu lo na kodro ti lo na Rama. Na pekoni, David amu lege ague na benyama ti Paran.

Wungo ti azo 10:12

Azo ti Israel alondo na benyama ti Sinai ti hon, kapa na kapa. Mbinda ni ague, aluti na ya ti benyama ti Paran.

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Tongo nda ti aye 36:11

Amolenge ti Elifaz ti koli ayeke so: Teman, Omar, Sefo, Gatam na Kenaz.

Abia (Psaumes) 113:4

KOTA GBIA ayeke yongoro na nduzu, na ndö ti amara kue, gonda ti lo ague ngbii ahon ayayu.

Abia (Psaumes) 148:13

Ayeke nzoni ala sepela iri ti KOTA GBIA, ngbanga ti so lo oko laa lo yeke kota mingi, gonda ti lo amu ndö ti sese na yayu kue!

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

1 Agbia 11:18

Ala londo na sese ti Madian, ala si na benyama ti Paran. Ala mu ambeni koli ti Paran na tere ti ala si ala gue na Ezipte na tere ti Faraon, gbia ti Ezipte. Gbia Faraon amu na Hadad da ti lango na kobe ti tengo ni; lo mu nga na lo mbeni sese.

Ezekiel 43:2

Kâ, mbi baa gonda ti Nzapa ti Israel alondo na To si ayeke ga. Toto ti gonda ni ayeke tongana toto ti kota ngu-ingo; gonda ni ayeke su na ndö ti sese.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.