Habakuk 3:10 - Mbeti ti Nzapa - Tënë so amu fini

¹⁰ Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Habakuk 3:10 Referans Kwoze

Ahebro 11:29

Na lege ti mabe, azo ti Israel afâ kota Ngu-bengba, mo baa mo tene, kuru sese laa; me so azo ti Ezipte aye ti hon na peko ti ala, ngu ni amene ala kue.

Abia (Psaumes) 93:3

KOTA GBIA, *abale asuku awe, abale asuku ngangu; abale ayeke kiri ti suku ahon ndoni!

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Jérémie 4:24

Mbi baa ahoto: ala yeke yingi si akete hoto kue ayeke do.

Ésaïe 43:20

Fade anyama ti ngonda, *anzagua na *anaamo ayeke gonda mbi, ngbanga ti so mbi sara si ngu asua na ndo so ngu ayeke daa pepe, abale asua na ndo so ahole holengo. Biani, mbi ye ti mu ngu ti nyongo ni na azo ti mbi so mbi soro ala.

Josué 4:18

Awayango-sandaga so ayeke yo sanduku ti mbuki ti KOTA GBIA asara ye alingbi na yanga so Moïse amu na ala. Gi so ala sigigi na ya ti ngu ti Jourdain si gere ti ala ado kuru sese awe, ngu ni akiri na plase ti lo, asuku tongana ti kozo si ayeke sua ti hon.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.

Aye so Nzapa afa 6:14

Le ti nduzu arule tere ti lo si ayeke hon tongana mbeti so azo ayeke rule ni; ahoto na azoa kue alondo na ndo so ala yeke daa si ahon.

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.

Nahum 1:5

Akota hoto ayeke yingi na dawa ti lo si akete hoto aga tongana ngu. Na dawa ti lo, sese ayingi si dunia na azo ni kue ado.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Abia (Psaumes) 66:6

Lo sara si kota ngu-ingo aga kuru sese, azo afâ *bale ni na gere. Na ndo so laa e yeke sara ngia ndali ti lo.

Abia (Psaumes) 65:13

Ando so anyama ayeke te pere daa na benyama asi singo na anzoni ye ni, mo sara si akete hoto asi singo na ngia.

Abia (Psaumes) 18:15

Lo tokua ale ti kokora ti lo si awato akangbi kirikiri, lo tokua gba ti wâ ti bekpa si ala kpe kirikiri.

Néhémie 9:11

Mo kangbi ya ti kota ngu-ingo na dawa ti azo ti Israel si ala hon na popo ti ngu ni na ndö ti kuru sese. Azo so ayeke tumba lani peko ti azo ti Israel, mo bi azo ni na gbe ti kota ngu so ali, ala li na gbe ti ngu tongana têne.

Matthieu 8:24

Mo ye ti baa, mbeni kota pupu alondo si ayeke ya na le ti kota ngu. *Amapo ayeke tuku na ya ti ngo ni, me Jésus ayeke lango.

Abia (Psaumes) 104:32

Lo baa sese si sese ado; lo ndu ahoto, guru ti wâ asigigi daa.

Abia (Psaumes) 148:7

Ala so ayeke na sese, ala sepela KOTA GBIA! Ala akota nyama ti gbe ti ngu, na ala akota du so ali mingi, ala sepela KOTA GBIA!