Habakuk 2:11 - Mbeti ti Nzapa - Tënë so amu fini

¹¹ Ataa atêne ti dere ti da ayeke dekongo: ‘Mawa!’ si ayongoro keke ti li ti da ayeke mu tënë na yanga ti atêne ni.

Habakuk 2:11 Referans Kwoze

Nzoni Tënë so Luc asu na mbeti 19:40

Lo kiri tënë na ala, lo tene: “Mbi tene na ala: tongana ala kai, fade atêne ayeke dekongo!”

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Abia ti demango tere 2:18

Gbagba ti Jérusalem, ayeke nzoni azo so ayeke na ya ti mo adekongo, ala toto na KOTA GBIA. Bi na lâ, ayeke nzoni ala kuku, ngu ti le ti ala asua tongana *bale; ala wu tere ti ala oko pepe, ala kai toto ti ala ni pepe.