Habakuk 2:10 - Mbeti ti Nzapa - Tënë so amu fini

¹⁰ Na sarango ye tongaso, mo yeke zia kamene na le ti asewa ti mo, mo yeke buba fini ti gba ti amara, mo yeke buba nga fini ti mo wani.

Habakuk 2:10 Referans Kwoze

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

2 Agbia 9:26

‘Mbi wani, mbi baa lo. Biri, mbi baa mene ti Nabot na ti amolenge ti lo so mo tuku ni. Biani, mara ti ye so mo sara so, fade mbi yeke futa peko ni na mo gi na ya ti yaka so; so tënë ti yanga ti KOTA GBIA laa!’ Fadeso, mu kuâ ti Yoram, mo bi na yaka so, alingbi na tënë ti KOTA GBIA.”

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!

Jérémie 36:31

Mbi yeke ga na tere ti lo, *ahale ti lo nga na akota zo ti yangbo ti lo ndali ti sioni ti ala. Akpale so kue mbi tene tënë ni si ala ke ti ma mbi so, mbi yeke sara si aga na ndö ti ala, na ndö ti azo so alango na Jérusalem nga na ndö ti azo ti Juda.’ ”

Jérémie 26:19

Gbia Ezekias na azo ti Juda afâ wayanga-Nzapa Mishe ndali ni? Oko pepe, me ala kpe mbeto ti KOTA GBIA, nilaa ala sara kue ti de be ti lo. Tongaso, sioni kpale so KOTA GBIA atene tënë ti tokuango ni na ndö ti ala, lo zia lege ni. Ti e, tongana e fâ ngbanga fadeso na li ti koli so, andaa e sara sioni mingi na e wani.”

Jérémie 22:30

Tënë so lo tene ayeke so: “Ala su iri ti koli so na mbeti ti fa so lo yeke na molenge pepe, gigi ti lo abuba awe! Biani, mbeni *hale ti lo oko ayeke wara lege pepe ti duti na ndö ti mbata ti gbia David, ti sara komandema na sese ti Juda.”

Ésaïe 33:11

Apialo so ala leke ayeke tongana holengo pere; tongana apialo ni abaa gigi awe, aga gi pere. Pupu ti yanga ti ala wani ayeke gbi ande ala tongana wâ.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Amato 1:18

Me ti azo ti fango azo ni, ala bi gbanda ndali ti ala wani, ala honde tere ti ala ti sara sioni na ala wani.

2 Agbia 10:7

Gi so akota zo ni awara mbeti ni awe, ala gbu amolenge ti gbia ni, afâ go ti ala balembarambara kue. Na pekoni, ala zia li ti amolenge ni na ya ti asakpa si ala tokua na Yehu, na gbata ti Yizreel.

1 Agbia 2:23

Gbia Salomon adeba yanga ti lo na iri ti *KOTA GBIA, lo tene: “Tongana mbi zia Adonia angba na fini ndali ti ye so lo hunda so, ayeke nzoni Nzapa asara ye ti ngangu mingi na mbi!

Amato 20:2

Ngonzo ti wâ ti gbia ayeke tongana toto ti bamara so ayeke zia kota mbeto na be ti zo; zo so asara si ngonzo ti gbia alondo, lo gi kuâ na tere ti lo wani.

Jérémie 44:7

“Fadeso, tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Ala ngba ti sara sioni gbani gbani na ala wani tongaso ngbanga ti nyen? Ala ye ti hunzi azo ti mara ti Juda hunzingo: akoli, awali, amaseka na amolenge so angba ti nyon me? Ala ye titene mbeni zo oko ti ala akiri angba na fini pepe?