Habakuk 1:12 - Mbeti ti Nzapa - Tënë so amu fini

¹² *KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Habakuk 1:12 Referans Kwoze

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Abia (Psaumes) 90:2

Kozoni si ahoto abaa gigi, kozoni si mo sara sese na dunia, mo yeke Nzapa ngbene ye kpu na kpu, lakue lakue!

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Abia (Psaumes) 93:2

KOTA GBIA, ngbene ye giriri, a zia mbata ti mo ti gbia aluti ngangu, mo yeke daa ngu na ngu.

Ahebro 13:8

Jésus Christ angba tongana ti biri, ti laso na kpu na kpu.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

Malashii 3:6

“Mbi *KOTA GBIA, mbi sanze pepe. Me ti ala, ala ngba lakue azo ti mara ti Jacob.

Habakuk 3:2

*KOTA GBIA, mbi ma tënë so mo tene awe; mbeto agbu mbi ndali ti ye so mo sara. KOTA GBIA, na ya ti angu so ayeke ga so, sara si aye ni abaa gigi; na ya ti angu so ayeke ga so, sara si azo abaa ni. Me tongana mo sara ngonzo, mo girisa ti baa mawa ti zo pepe.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Ezekiel 30:25

Biani, mbi yeke sara si maboko ti gbia ti Babilone awara ngangu, me maboko ti Faraon ayeke woko wokongo. Mbi yeke zia yongoro zeme ti mbi na maboko ti gbia ti Babilone si lo yeke yoro ni na tere ti Ezipte; tongaso, fade azo ayeke hinga atene, mbi laa mbi yeke KOTA GBIA.

Abia ti demango tere 5:19

Me mo KOTA GBIA, mo duti gbia lakue lakue, mbata ti mo ti gbia ayeke ngba na lege ti molongo ti dutingo ti azo oko oko kue. Komandema ti mo ayeke hunzi pepe, komandema ni ayeke ngba kpu na kpu.

Ésaïe 43:15

Mbi yeke KOTA GBIA, Nzapa ti ala so ayeke nde si ayeke nzoni kue, lo so lo sara Israel, Gbia ti ala.”

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Aye so Nzapa afa 1:8

*Kota Gbia Nzapa, lo so ngangu ti lo ahon angangu kue, lo so lo yeke laso, lo so lo yeke ando si lo yeke ga, atene: “Mbi yeke *Alfa na *Omega.”

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Abia (Psaumes) 118:17

Mbi yeke kui ande pepe, mbi yeke ngba na fini ti fa na azo tënë ti aye so KOTA GBIA asara.

Abia (Psaumes) 18:1

Bia so ayeke ndali ti makonzi-bia. Bia ti David, zo ti kua ti *KOTA GBIA. Lo he bia so na ngoi so KOTA GBIA azi lo na maboko ti awato ti lo kue, nga na maboko ti Saul.

Abia (Psaumes) 17:13

KOTA GBIA, londo, gue na tere ti ala, mo kinda ala! Na lege ti yongoro zeme ti mo, mo zi mbi na maboko ti azo ti sioni.

2 Agbia 19:25

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Jérémie 5:18

“Ataa na ngoi ni so, fade mbi yeke fâ ala kue pepe; so tënë ti yanga ti KOTA GBIA laa.

Jérémie 4:27

Tënë so KOTA GBIA atene ayeke so: “Fade kodro ni kue ayeke ga ngonda; me ye kue laa mbi yeke buba ni pepe.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Tongo nda ti aye 21:33

Abraham alu keke ti tamaris na kodro ti Bersheba, lo sambela Nzapa so ayeke kpu na kpu si lo iri lo na iri ti KOTA GBIA.

Abia (Psaumes) 102:24

Gi so mbi de na lege, KOTA GBIA asara si ngangu ti mbi ahunzi, lo kiri na lango ti fini ti mbi nduru.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Abia (Psaumes) 74:12

Nzapa, mo yeke gbia ti mbi ngbene ye giriri; mo laa mo zi azo ti kodro so na ya ti pasi.

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!