Habakuk 1:11 - Mbeti ti Nzapa - Tënë so amu fini

¹¹ Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”

Habakuk 1:11 Referans Kwoze

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Habakuk 1:16

Ndani laa, ala yeke mu *sandaga na gbanda ti ala, ala yeke zö dukani na ngbengbe ti ala, ngbanga ti so, ndali ti gbanda ni na ngbengbe ni si ala wara gba ti susu na nzoni kobe ti tengo ni.

Mbeti ti Job 12:6

Ya ti da ti *azaragina ayeke na siriri, azo so ayeke gi yanga ti Nzapa ayeke duti kpoo, ngangu ti ala wani, ala baa ni tongana nzapa ti ala.

Ésaïe 10:13

Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Jérémie 9:22

Tënë so KOTA GBIA atene ayeke so: “Ayeke nzoni zo ti ndara agonda tere ti lo pepe ndali ti ndara so lo yeke na ni! Ayeke nzoni zo ti ngangu agonda tere ti lo pepe ndali ti ngangu so lo yeke na ni! Ayeke nzoni zo ti mosoro agonda tere ti lo pepe ndali ti mosoro so lo yeke na ni!

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”