Habakuk 1:10 - Mbeti ti Nzapa - Tënë so amu fini

¹⁰ Ala yeke baa agbia tongana ambumbuse zo, akota zo ti kodro aga tongana ye ti ngia na le ti ala. Agbata so angangu gbagba ayeke na tere ni, ala yeke he ni hengo na ngia, ala yeke bongbi gba ti sese na tere ti gbagba ni si ala yeke mu agbata ni.

Habakuk 1:10 Referans Kwoze

2 Mbai 36:6

Nabukodonosor, gbia ti Babilone aga ti tiri bira na lo. Lo kanga Yoakim na zingiri ti bengba wen si lo gue na lo na Babilone.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Ésaïe 14:16

Azo so ayeke baa mo, le ti ala ayeke ngba gi ti baa mo kpoo. Ala yeke dabe ti ala na mo si ala tene: “Koli so ando ayeke yingi sese so, lo so ando lo yeke sara si akodro-gbia ado so, lo laa biani?

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 37:13

Agbia ti Hamat, ti Arpad, ti Lair, ti Sefarvaim, ti Hena na ti Ava ayeke na ndo wa?”

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Ezekiel 26:8

Lo yeke buba agbata so ayeke nduru na mo, na yanga ti kota ngu-ingo. Na pekoni, lo yeke koro du na gbe ti sese na tere ti mo kue, lo yeke bongbi sese aga *koto na tere ti mo si lo yeke mu gba ti *avala ti kanga lege na ale ti kokora ti mo.

Sofonii 1:8

KOTA GBIA atene: “Na lango ti sandaga ni, fade mbi yeke ga na tere ti akota zo, amolenge ti gbia nga na azo so ayeke yu bongo tongana ti awande.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.