Galasii 6:17 - Mbeti ti Nzapa - Tënë so amu fini

¹⁷ Ti fadeso, alingbi mbeni zo akiri aso li ti mbi pepe! Biani, apeko ti ka so ayeke na tere ti mbi afa atene, mbi yeke zo ti Jésus.

Galasii 6:17 Referans Kwoze

2 Korente 1:5

Biani, legeoko tongana ti so e na Christ e baa pasi ahon ndoni, Christ ayeke de be ti e nga ahon ndoni.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

2 Korente 4:10

Na ngoi kue, e yeke yo na ya ti tere ti e kuâ ti Jésus, tongaso si azo alingbi ti baa fini ti Jésus na ya ti tere ti e ti zo.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Awatokua 15:24

E ma a tene, ambeni zo alondo na popo ti e, ague, abuba be ti ala si be ti ala angba na nduzu na lege ti tënë so ala tene. E laa e mu yanga na azo ni ti sara ye so pepe.

Josué 7:25

Josué atene na Akan: “Mo sara si kpale ati na ndö ti e ngbanga ti nyen? Ayeke nzoni KOTA GBIA asara si kpale ni ati na ndö ti mo laso.” Tongaso azo ti Israel kue abo Akan na têne si afâ lo. Ala bo nga asewa ti lo na têne si ala gbi ala na wâ.

Galasii 1:7

Ti tene taa-tënë, mbeni nzoni tënë nde ayeke daa pepe! Mbi tene tënë so, ngbanga ti so ambeni zo ayeke sara titene li ti ala aga kirikiri, ala ye ti buba ya ti Nzoni Tënë ti Christ.

Ésaïe 44:5

Mbeni zo oko ayeke tene: ‘Mbi yeke ti KOTA GBIA’, mbeni ayeke mu iri ti Jacob, mbeni nde ayeke su na ndö ti maboko ti lo: ‘Mbi yeke zo ti KOTA GBIA’ si lo yeke mu iri ti Israel ti zia na ndö ti lo.”

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Filipe 3:10

Ye so mbi ye, ayeke ti hinga Christ, lo na ngangu so azingo lo na kuâ, ti baa pasi legeoko na lo si mbi ga tongana lo na ndembe ti kuâ ti lo.

Aye so Nzapa afa 13:16

Nyama ni agbu azo kue na ngangu titene ala wara mbeni nzoroko na ndö ti maboko ti ala ti koli, wala na ndö ti le ti ala, ataa akota zo na akete zo, ataa azo ti mosoro na awayere, ataa angbaa na azo so ayeke angbaa pepe.

Aye so Nzapa afa 13:17

Zo so ayeke na nzoroko so pepe, lo lingbi ti vo ye wala ti ka ye pepe. Nzoroko ni ayeke iri ti nyama ni wala nimoro ti iri ti lo.