Galasii 6:10 - Mbeti ti Nzapa - Tënë so amu fini

¹⁰ Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Galasii 6:10 Referans Kwoze

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Amato 3:27

Tongana mo lingbi ti sara nzoni na zo so ye atia lo, alingbi mo ke ti sara ni pepe.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Efeze 2:19

Tongaso, ala azo ti amara nde, ala yeke awande mbeni pepe, wala azo so aga gango pepe. Me fadeso, ala na azo ti Nzapa ayeke amolenge ti kodro oko, ala yeke azo ti sewa ti Nzapa.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Jean 9:4

Na ndembe so lâ angba ti su, ayeke nzoni e sara kua ti lo so lo tokua mbi. Ndo aga nduru ti vuko awe, fade zo alingbi ti sara kua mbeni pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Filipe 4:10

So mbi ga oko na *Kota Gbia awe, be ti mbi anzere mingi ndali ti so ala kiri afa na mbi atene, be ti ala angba ti ye mbi. Mbi hinga so be ti ala aye ando mbi, me lege ti sara na mbi ayeke daa pepe.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.

Efeze 5:16

Ala zia ngoi ti ala ahon senge senge pepe, ngbanga ti so alango so e yeke daa so ayeke sioni.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

Abia (Psaumes) 37:27

Mo kpe lege ti sioni, mo sara nzoni ye, fade mo yeke ngba na ya ti kodro ni lakue.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Marc 3:4

Na pekoni, lo hunda azo ni, lo tene: “*Ndia afa nyen na e? A fa na e ti sara nzoni wala sioni, ti soo fini ti zo wala ti fâ zo na lango ti wungo tere?” Me zo oko akiri tënë pepe.

Efeze 3:15

lo so lo mu iri na aye so kue ayeke na fini na yayu nga na ndö ti sese.

Matthieu 5:43

“Ala ma tënë so a tene ando, atene: ‘Mo ye zo so aye mo si mo ke wato ti mo.’

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 10:25

Ayeke nzoni disiple aga tongana wafango-ye na lo si zo ti kua aga nga tongana makonzi ti lo. Tongana azo airi wa ti da Beelzebul, fade ala yeke di sioni iri mingi na li ti azo ti da ti lo.

Zo ti bongbingo azo 3:12

Mbi hinga, mbi tene, mbeni nzoni ye ndali ti zo ayeke daa pepe, gi ti duti na ngia na ti duti nzoni.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Galasii 1:23

Ala ma gi tënë so azo atene: “Koli so ayeke sara ando ngangu na e so, fadeso lo yeke fa na azo tënë ti mabe so lo ye ando ti buba lege ni so.”

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

1 Tesalonike 5:21

Me ala gi ya ti atënë ni kue mbirimbiri si ye so ayeke nzoni, ala bata ni;

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

3 Jean 1:3

Lani ambeni ita asi, ala tene na mbi atene, mo ngba lakue na lege ti taa-tënë si mo ngba ti sara ye lakue na lege ti taa-tënë. Tënë so anzere na be ti mbi mingi.

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.

2 Korente 2:8

Tongaso mbi hunda na ala ti fa na lo atene, ala ye lo.